Ifya Kwibukisha Ilyo Mulepekanya Icibukisho

Baeluda bafwile ukubika amano ku fyakonkapo ilyo balepekanya Icibukisho:

◼ Ilyo muleimika inshita ya kulongana, mukashininkishe ukuti akasuba nakawa pa kutendeka ukupishamo ifimpashanya.

◼ Mufwile ukupekanishisha libela umukate uushatutumuka na waini ilya ine ifwaikwa.—Moneni Ulupungu lwa kwa Kalinda ulwa February 15, 2003, pa mabula 14-15.

◼ Mufwile ukupekanishisha limo imbale, amatambula ne tebulo lyalinga e lyo ne nsalu ya pa tebulo.

◼ Mufwile ukuwamisha kabela Ing’anda ya Bufumu nelyo icifulo cimbi ico mukalonganinapo kabili mufwile ukuwamya bwino sana.

◼ Mufwile ukusalila limo bakapyunga na ba kupishamo ifimpashanya, no kubebela kabela imilimo bakabomba kabili mufwile no kubeba ukuti bafwile ukufwala bwino no kuipempenkanya.

◼ Pekanyeni ukutwalila onse uwasubwa ifimpashanya uwafilwa ukusangwa ku Cibukisho.

◼ Nga ca kutila ifilonganino fibili no kucilapo fili no kubomfya Ing’anda ya Bufumu imo, pafwile ukuba ukumfwana bwino pa kutila pa mwinshi, mu tushila, na apa kwimika bamotoka tapafulile abantu.

◼ Nga ca kuti ukulongana kukaba ku cifulo cimbi, mukashininkishe ukuti kuli ifisoselo ifisuma pa kuti bonse abakasangwako bakaleumfwa kalanda.