Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • km 5/08 ibu. 1
  • ‘Beni Abaiteyanya Ukubomba Umulimo Onse Uusuma’

Vidio mulefwaya tamuli

Mukwai yafilwa ukutambika

  • ‘Beni Abaiteyanya Ukubomba Umulimo Onse Uusuma’
  • Ubutumikishi Bwesu Ubwa Bufumu—2008
  • Ifipalileko
  • Langeni Ukuti Mulasakamana Abantu—Pa Kupekanya Ifya Kuyalanda
    Ubutumikishi Bwesu Ubwa Bufumu—2006
  • Ifyo Twingapekanya Ifya Kulanda Pali Bamagazini
    Ubutumikishi Bwesu Ubwa Bufumu—2006
  • Ifya Kubomfya Ifilangililo fya pa Kushalika Impapulo
    Ubutumikishi Bwesu Ubwa Bufumu—2005
  • Ifingatwafwa Ukulashimikila Bwino—Tulepekanya Amashiwi ya Kubalilapo Ukulanda
    Ubutumikishi Bwesu Ubwa Bufumu—2014
Moneni na Fimbi
Ubutumikishi Bwesu Ubwa Bufumu—2008
km 5/08 ibu. 1

‘Beni Abaiteyanya Ukubomba Umulimo Onse Uusuma’

1 Ilyo Yesu aletendeka umulimo upya uwa kubila imbila ya Bufumu, alikeele pa nshi na basambi bakwe pa kuti abafunde ifya kubomba. (Mat. 10:5-14) Nangu ca kuti ifwe bonse twalipamfiwa, nga ca kuti twabala twaikala pa nshi nangu fye amamineti fye ayanono ilyo tatulaya mu mulimo wa ku ng’anda ne ng’anda kuti mwafuma ifisabo fisuma.—2 Kor. 9:6.

2 Ifya Kuipekanya: Ica ntanshi ico tulingile ukucita pa kuti tutile natuipekanya bwino, kwishiba ifyebo fili mu mpapulo tuleya mu kushiila abantu. Tulingile ukutontonkanya na pa bantu baba mu cifulo umo tubombela. Finshi ifibasakamika? Fisumino nshi ifyo mwingenekela abantu ukumwipushapo? Kuti twamona mu fyebo fya mu Ubutumikishi Bwesu Ubwa Bufumu pa fyo twingalanda na bantu mwi bala e lyo na mu citabo ca kuti Ukupelulula Ukufuma mu Malembo pa kuti twingakwata apa kuyatendekela.

3 Ukukutikisha ku filangililo fiba mu Kulongana kwa Mulimo na ko kuti kwatwafwa. Ilyo twile tuleishibilako ifya kubomfya imitubululo yesu, tatwakalepoosa sana inshita iikalamba pa kupekanya. Kanshi, nga ca kuti lyonse ilyo tatulaya mu butumikishi, twabala twatontonkanya pa fyebo tuli no kuyalanda ku bantu no kutwalilila fye ukulawamyako, umuye nshiku tukalabomba bwino sana. Kabili tufwile no kulapoosako inshita inono iya kumona ukuti natukwata impapulo tulekabila mu cola cesu ica mwi bala.

4 Finshi fikatwafwa ukwibukisha ifyo tupekenye ukuyalanda ku bantu? Ilyo tuli fweka tulingile ukulanda ifyo tulefwaya ukuyalanda mwi bala, cikatwafwa ukufisunga mu mutwe. Bamo batemwa ukupituluka mu fya kuyalanda mwi bala ilyo bali pe sambililo lya lupwa. Bambi na bo batemwa ukulemba utufyebo utunono pa kapepala akanono kabili cilya balafika pa ng’anda apo baleya mu kushimikila, balabala bacebapo.

5 Umulandu Cawamina: Nga tuleipekanya kuti twacililako ukulabomba bwino ubutumikishi kabili kuti twalakwatilako ne nsansa. Kabili nga natuipekanya kuti twaba fye abatekanya ilyo twafika pa ng’anda ya muntu tuleshimikila. Kuti twabika na mano ku fyo umwine wa ng’anda alelanda ukucila ukupoosa amano ku fyebo tulefwaya ukulanda nankwe. E lyo kabili, nga natwishiba ifili mu mpapulo kuti twaba abacincimuka ilyo tulebapeela impapulo.

6 Amalembo yatukoselesha ukuba ‘abaiteyanya ukubomba umulimo onse uusuma.’ (Tito 3:1) Bushe batini kwaliba umulimo umbi uusuma ukucila pa mulimo wa kubila imbila nsuma? Nga tuleipekanya bwino, ninshi tulelangilila ukuti twalicindika abene ba mayanda abafwaya ukukutika, e lyo na Yehova, Lesa uo twimininako.—Esa. 43:10.

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi