Nomba Tatwakulalanshanya Ilembo lya Bushiku pa Kukumana kwa Mulimo wa Mwi Bala
Kale, pa kukumana kwa kuya mu mulimo wa mwi bala limo twalelanshanya mu kwipifya ilembo lya bushiku nga ca kuti lilelanda pa kushimikila. Nomba kuli ukwaluka. Tatufwile ukulabomfya akatabo ka Ukubebeta Amalembo Cila Bushiku nga tulelanshanya ifya kushimikila abantu mwi bala. Nga fintu caba lyonse, abaletungulula ukukumana, kuti babomfya Baibolo, Ubutumikishi Bwesu Ubwa Bufumu, icitabo ca Nonkelenimo, Ukupelulula, nelyo ifyebo fimbi ifikumine umulimo wa kushimikila. Abapeelwe umulimo wa kutungulula ukukumana balingile ukupekanya ifyebo ifingafwa abantu ukushimikila pali ubo bushiku. Nga fintu caba lyonse, uku kulanshanya kulingile ukuba amamineti 10 ukufika kuli 15, te kucilapo iyo, kabili nga ca kuti e lyo mwapwisha fye ukulongana ninshi ukulanshanya kulingile ukwipipa sana.