Ifya Kubomfya Formu ya Mukwai Fwayeni Uyu Muntu (S-43)

Mulingile ukulemba pali iyi formu nga ca kuti mwasanga umuntu uulefwaya ukusambilila Baibolo lelo uwikala ku ncende imbi nelyo uulanda ululimi lwa ku calo cimbi. Kwena kale twalebomfya iyi formu nga twasanga umuntu uulanda ululimi lwa ku calo cimbi, nampo nga alefwaya ukusambilila Baibolo nelyo iyo, nomba pali ino nshita tuibomfya fye nga twasanga umuntu uulefwaisha ukusambilila Baibolo. Lelo nga twasanga cibulu uwikala ku ncende imbi, tufwile fye ukulemba formu ya S-43 nampo nga alefwaya ukusambilila nelyo iyo.

Cinshi mufwile ukucita nga mwalemba pali iyi formu? Mufwile ukupeela kalemba wa mu cilonganino cenu. Nga naishiba icilonganino ico alingile ukutumako iyi formu, akatumina baeluda ba ku cilonganino ca ku ncende kwikala uyo muntu pa kuti bakamufwaye no kutwalilila ukusambilila nankwe Baibolo. Nga kalemba teshibe ukwa kutuma, ninshi akatuma formu ku Bethel.

Mu cifulo mushimikila nga mwaliba umuntu uulanda icitundu ca ku calo cimbi lelo alafwaya ukusambilila Baibolo, mulingile ukutwalilila ukulayako ukumukoselesha ukufikila kasabankanya uwaishiba ico citundu akese mu kumwafwa.—Moneni Ubutumikishi Bwesu Ubwa Bufumu ubwa November 2009, ibula 4.