Inte sha kwa Yehova Bali-iteyanya Ukubila Imbila Nsuma

Inte sha kwa Yehova bali-iteyanya ukushimikila imbila nsuma pa myaka ukucila 100. Iyi e kampeini ya kushimikila iyakulisha iyacitika pano isonde ponse, e lyo tushimikila mu ndimi ishingi nga nshi kabili mu fyalo ukucila pali 230. (Mat. 24:14) Bushe uyu mulimo wa kushimikila cinshi wacindamina? Bushe ubombwa shani mwi sonde lyonse? Vidio ya Jehovah’s Witnesses—Organized to Share the Good News ilasuka ayo mepusho pa kulondolola bwino imibombele yesu iyalekanalekana mu calo. Pa numa ya kutamba vidio asukeni ifi fipusho fyakonkapo.

Bushe iyi vidio yamwafwa shani ukumfwikisha (1) ifyo ukuteyanya kwa kwa Yehova kulebombesha pa kuti imbila nsuma ishimikilwe? (2 Tim. 4:2) (2) ifyo aba pa Bethel mwi sonde lyonse babombesha? (3) ifyo ukuteyanya kukansha bamishonari na bakangalila? (2 Tim. 2:2) (4) ifyo cacindamina ukubelenga ilembo lya mu Baibolo cila bushiku no kupekanishisha ukulongana cila mulungu? (Imil. 17:11) (5) ifyo tumwenamo mu kulongana kwa Bwina Kristu? (Heb. 10:24, 25) (6) amapaalo tukakwata mu Paradaise pano pene pe sonde? (Esa. 11:9) (7) ishuko twakwata ilya kubombako umulimo wa kulobolola uucilipo?—Yoh. 4:35.

Iyi vidio yalibomba bwino sana ku kulenga abantu abalesekelela ukwishiba umulimo wa mwi sonde lyonse uo Inte sha kwa Yehova babomba. Bushe kuti mwayasuka shani aya mepusho ayalelanda pa fyo twingabomfya vidio mu mulimo wesu uwa kushimikila? (8) Ni lilali cingalinga ukutambisha iyi vidio ku musambi wesu, balupwa wesu nelyo abantu bambi? (9) Fisuma nshi balandile pa numa ya kutamba iyi vidio?

Ilyo twatontonkanya pa fyo Yehova alecita ino nshita, kuti twalanda nge fyo uwalembele amalumbo alandile. Atile: “Ifyo mwacita fingi, Mwe Yehova Lesa wandi, imilimo yenu iyapesha amano na matontonkanyo yenu kuli ifwe na fyo fingi. Takuli uwingalingana na imwe.” (Amalu. 40:5) Lekeni kanshi, tubomfye iyi vidio ku kwafwa abantu ukwishiba Yehova no kuteyanya kwakwe!