“Shalikeni Magazini ya Kale Nelyo Broshuwa Iili Yonse Iilanda pa fyo Umuntu Atemenwe”

Mufwile mwalimona ukuti mu myeshi tushalika icitabo ca Ico Baibolo Isambilisha no kutendeka amasambililo ya Baibolo pa muku wa kubalilapo twalanda no muntu, balatukoselesha ukuti tufwile ukushalika magazini ya kale nelyo broshuwa iili yonse iilanda pa fyo umuntu atemenwe maka maka uyo umuntu nga kale kale alikwata icitabo lelo tafwaya ukusambilila Baibolo. Mulandu nshi?

Amabroshuwa na magazini ya kale yalikwata imitwe yalekanalekana ukulingana ne nshita tufikilepo. Limbi muli isho mpapulo kuti mwaba ifyebo ifingafika umuntu tuleshimikila pa mutima. Eco ilyo mulelonga icola cenu ica mu bunte, longenimo amabroshuwa yalekanalekana na magazini ya kale. Nga tamukwete magazini ya kale nalimo kuti mwapoka kuli munyina uubombela pali magazini. Uo muleshimikila nga kale kale alikwata icitabo ca Ico Baibolo Isambilisha, lelo talefwaya ukusambilila kuti mwamulanga magazini ya kale nelyo amabroshuwa ayo mukwete pa kuti umwine asalepo. Pa numa ya ico mukabweleleko ku kumona nga kuti atemwa. Limbi kuti asuka afwaya ukusambilila Baibolo.