Ifyo Mwingalanda

Pa Kupeela Abantu Utupepala twa Kubetilapo ku Cibukisho

“Tulemwita no lupwa lwenu ku kulongana ukwacindama ukubako isonde lyonse cila mwaka. Uku kulongana kwa kwibukisha imfwa ya kwa Yesu. Uno mwaka, kukabako pa 26 March. Kukaba ilyashi ilikafuma mu Baibolo ilikalalanda pa fyo tunonkelamo mu mfwa ya kwa Yesu. Takwakabe ukulipilisha. Pali aka kapepala, pali icifulo tukalonganinapo kuno e lyo ne nshita tukalalongana.”

Ulupungu lwa kwa Kalinda March 1

“Abantu bamo balepusha ati, ‘Kuti twaishiba shani ukuti Yesu alibuushiwe ukufuma ku bafwa?’ Bushe mwalitala amutontonkanyapo pali ici cipusho? [Lekeni basuke.] Lekeni tubelenge ili ilembo pa kuti twishibe umulandu icasuko kuli ici cipusho cacindamina. [Belengeni 1 Abena Korinti 15:14.] Iyi magazini nailondolola umulandu tufwile ukucetekela ukuti Yesu alibuushiwe icine cine.

Loleni! January-February

[Ilyo mulelanda ku mufyashi, kuti mwatila:] “Abafyashi abengi balasumina ukuti ilyo balefwaya ukuti umwana wabo umusepela omfwe ifyo balemweba, balatendeka ukukansana. Cinshi mulemona ukuti e cilenga? [Lekeni basuke. Lyena belengeni Yakobo 1:19.] Iyi magazini nailondolola ifyo abafyashi bengalalanshanya bwino na bana ukwabula ukuti balekansana nabo.”