Ifyo Mwingalanda

Pa Kupeela Abantu Utupepala twa Kubetilapo ku Cibukisho

“Tulepeela abantu utupepala twa kubetilapo ku kulongana ukwacindama sana. Pa 3 April, abantu abengi mwi sonde lyonse bakalongana ku kwibukisha imfwa ya kwa Yesu Kristu no kumfwa ilyashi umo bakalondolola ifyo tunonkelamo mu mfwa yakwe. Pali aka kapepala pali icifulo ne nshita ilyo ukulongana kukabako kuno mwesu.”

Ulupungu lwa kwa Kalinda March 1

“Uno mwaka, pa 3 April epakakumanina ubushiku Yesu Kristu afwililepo. Pali ubu bwine bushiku abantu bamo kuno mwesu bakalongana ku kwibukisha imfwa yakwe. Nomba kwaliba bamo abamona kwati imfwa ya kwa Yesu tayacindama sana. Bushe batini kuti twanonkelamo mumfwa ya kwa Yesu no kubuushiwa kwakwe? [Lekeni basuke.] Moneni ifyo Icebo ca kwa Lesa calandapo. [Belengeni 1 Abena Korinti 15:22, 26.] Iyi magazini ilelondolola ifyo ilambo lya kwa Yesu likafumyapo imfwa.”

Loleni! March

“Tulelanga abena mupalamano besu ifili muli Loleni! iipya pa mamineti fye ayanono. [Balangeni inkupo.] Abantu batontonkanya ifyalekanalekana pa cipusho ca kutila: ‘Bushe Lesa E ko Aba?’ Bushe batini ni bani bakwata isubilo lya kuti ifintu ku ntanshi fikawama, abasumina ukuti kwaliba Lesa nelyo abashasumina? [Lekeni basuke.] Moneni ubulayo bumo ubo Lesa alaya ubulenga abantu abengi ukulasubila ukuti ifintu ku ntanshi fikawama. [Belengeni Amalumbo 37:10, 11.] Iyi magazini ilelanda pa milandu ine iyo tulingile ukufwailikisha nga Lesa e ko aba nelyo iyo.”