Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu March

“Twamutandalila pa kuti tumwebeko pa cintu icacindama icikacitika pa 14 April. Pali ubu bushiku, tukalaibukisha imfwa ya kwa Yesu. Pa bantu abakesa ku kwibukisha imfwa ya kwa Yesu pakaba na bakasangwako pa mulandu wa kutila balishiba ifyo imfwa ya kwa Yesu yacindama nga nshi. E lyo kukaba na bambi abashaishiba na bwino bwino ifyo imfwa ya kwa Yesu yacindama. Bushe batini imfwa ya kwa Yesu yalicindama kuli imwe na ine?” Lekeni basuke. Balangeni ifyebo fili ku nkupo ya ku numa iya Ulupungu lwa kwa Kalinda ulwa March 1, kabili lanshanyeni icipusho ca kubalilapo e lyo mubelengeko ne lembo limo. Bapeeleni magazini kabili panganeni ilyo mukaya lanshanya icipusho cimbi.

Ulupungu lwa kwa Kalinda March 1

“Abantu abengi tabaishiba umulandu Lesa ashapwishisha ukucula no lufyengo ifyaba muno calo. Inga imwe muntontonkanyapo shani, bushe batini kuti twalanda ukuti icalenga ni co Lesa tatusakamana nelyo kuti twatila alomfwa bwino ukumona uko abantu balecula? [Lekeni basuke. Lyena belengeni Yohane 3:16.] Kwena abantu abengi balitemwa ukubelenga ili ilembo pa kulangilila ukuti Lesa alitutemwa, lelo cimoneka kwati tabaishiba bwino bwino ifyo banonkelamo mu mfwa ya mwana wa kwa Lesa. Iyi magazini ilelondolola ifyo imfwa ya kwa Yesu ikalenga Lesa ukufumyapo ulufyengo no kucula ifyaba muno calo.”

Loleni! February-March

“Fwe bengi tulapingulapo ifya kucita pa mulandu wa fyo tumfwa nelyo ukubelenga ku basabankanya amalyashi. Bushe ilyashi tumfwa lyonse liba lya cine kabili ilyo twingacetekela? [Lekeni basuke.] Baibolo itweba kuti tulingile ukucenjela no kukanacetekela ilyashi lyonse ilyo twaumfwa. [Belengeni Yobo 12:11.] Iyi magazini iletweba ifingatwafwa ukwishiba bwino nga ca kuti ilyashi tuleumfwako nelyo ukubelenga lya cine.”