Ifyo Mwingalanda

Pa Kutendeka Amasambililo ya Baibolo pa Cibelushi ca Kubalilapo mu March

“Abantu abengi balasefya ukufyalwa kwa kwa Yesu, nomba bushe mulemona ukuti calicindama ukwibukisha imfwa yakwe?” Lekeni basuke. Lyena peleni abo mulelanda nabo Ulupungu lwa kwa Kalinda ulwa March 1 kabili belengeleni capamo no kulanshanya ifyebo fili pa kamutwe ka kubalilapo pe bula 16 kabili belengeniko nangu ilembo limo. Lanshanyeni ilyo mukabwelelako ku kuya-asuka icipusho cimbi.

Ulupungu lwa kwa Kalinda March 1

“Kwaliba imipepele iingi iyakwata imicitile ne fisumino ifyapusanapusana. Bushe mulemona ukuti bonse abatila Bena Kristu, Bena Kristu ba cine? [Lekeni basuke.] Ukulingana ne fyo Yesu alandile, ici e ca kwishibilako Abena Kristu ba cine. [Belengeni Yohane 13:34, 35.] Iyi magazini nailanda pa fintu 5 ifyo Yesu alandile ifitwafwa ukwishiba bakapepa ba cine.”

Loleni! January–March

“Bushe mumona ukuti kasuba kamo Lesa akapwisha ukucula mu calo? [Lekeni basuke.] Moneni ifyo Baibolo yalaya ifilenga twaba ne subilo. [Belengeni Ukusokolola 21:4.] Iyi magazini ilelangilila ifyo Baibolo yalanda pa nshita ne nshila Lesa akapwishishamo ukucula konse.”