Ifyo Mwingalanda

Pa Kupeela abantu utupepala twa kubetilapo ku Cibukisho

“Tulepeela abantu utupepala twa kubetilapo ku kulongana ukwacindama sana. Pa 14 April, abantu abengi mwi sonde lyonse bakalongana ku kwibukisha imfwa ya kwa Yesu Kristu no kwisaumfwa ilyashi umo bakalondolola ifyo tunonkelamo mu mfwa yakwe. Pali aka kapepala pali icifulo ne nshita ilyo ukulongana kukabako kuno mwesu.”

Ulupungu lwa kwa Kalinda April 1

“Twamutandalila pa kuti twingalanshanyako pa cintu cimo ico abantu bapalanamo sana. Te mulandu no ko umuntu apepa, bonse twalipepapo. Bushe batini Lesa alasuka amapepo nelyo ico tupepela ni co tufwaya fye ukumfwako bwino ku mutima nga tuli na mafya? [Lekeni basuke.] Moneni ifyo Baibolo ilanda pe pepo. [Belengeni 1 Yohane 5:14.] Iyi magazini ilelondolola ifyo ipepo litwafwa.”

Loleni! March–April

“Bushe mulesumina ukuti indupwa ishingi shilekwata sana amafya muno nshiku? [Lekeni basuke.] Lekeni imulangeko ipinda lya mu Baibolo ililanda pa fingafwa aba mu lupwa ukulaumfwana. [Belengeni Amapinda 24:⁠3.] Abengi basanga ukuti mu Baibolo mwaliba ukufunda ukusuma ukwingafwa indupwa. Iyi magazini ilelanda pali Webu saiti iisuma sana apaba ifyebo ifingafwa indupwa ifyo mwingabelenga nelyo ukukopolola ukwabula ukulipila.”