Koselesheni Bonse Ukutendeka Amasambililo ya Baibolo pa Cibelushi ca Kubalilapo

Ukutendeka mu May 2011, bakasabankanya babakoseleshe ukutendeka amasambililo ya Baibolo pa Cibelushi ca kubalilapo mu mweshi. Pa kuti ciletwangukila ukutendeka amasambililo pali ubu bushiku, kwaliba icipande icapekanishiwa iciba mu Ulupungu lwa kwa Kalinda ulwa bantu bonse icitila, “Amasuko ku Mepusho ya mu Baibolo.” E ico, pa Cibelushi ca kubalilapo cila mweshi ilyo mulekumana ukuya mu mulimo wa mwi bala, mufwile ukulanshanya ifyo mwingabomfya ici cipande ukutendeka amasambililo ya Baibolo kabili mulingile no kucita icilangililo ca fyo mwingalanshanya no muntu ukubomfya ici cipande.

Baeluda kuti basalapo ukuti pa Cibelushi ca kubalilapo bakasabankanya balekumana mu mabumba ya mulimo, nelyo kuti basalapo ukulakumana nge cilonganino conse pa Ng’anda ya Bufumu. Lelo nga ca kuti kwaliba ifilonganino na fimbi ababomfya Ing’anda ya Bufumu, tamufwile ukusesesha ubushiku bwa kutendeka amasambililo ya Baibolo pa bushiku bumbi pa kuti fye mukakumane nge cilonganino.