“Nshabasangapo pa Ng’anda na Kabili!”

Bushe mwalibala amulandapo aya mashiwi pa muntu mwasangile uwalefwaya ukwishibilapo na fimbi pali Baibolo? Nangu ca kuti mwalibwelela kuli uyo muntu imiku iingi, mwalifilwa ukutapilila icine ico mwalimbile. (1 Kor. 3:6) Inshita shimo, bakasabankanya ababomba bwino balalembela abantu abo bashisanga pa ng’anda kalata no kuisha mu ciibi. Bakasabankanya bamo balapokela kabela inambala ya foni ku muntu ilyo balanshanya nankwe pa muku wa kubalilapo, pa kuti nga tabamusangile bamutumina fye foni. Pa kupoka bepusha fye abati, “Bushe mwalikwata foni?” Kuti mwapenda icipempu ca kubwelelamo nga mwatandalila umuntu mwalanshenye nankwe nelyo nga mwamutumina kalata, foni nelyo ukulanshanya nankwe pa intaneti. Nangu ca kuti tasangwa pa ng’anda, kuti mwalenga atemenwako icine.