Kalata ya Kumulangilila Ifyo Mwingalemba

• Mulelemba adresi yenu. Nga mwamona kwati te kuti cibe bwino ukubikapo adresi yenu, kuti nalimo mwabomfya adresi ya cilonganino baeluda nga bamusuminisha. Na lyo line, TAMUFWILE ukubomfya adresi ya ku musambo ukuti e adresi bakabomfya pa kubwesha kalata yenu.

• Mulebomfya ishina lya muntu mulelembela nga ca kutila na mu mwishiba. Ukucita ifi kukalenga uo mulelembela akeshibe ukuti ni kalata yakwe.

• Mulebika amano ku kulemba bwino amashiwi, ku kulemba ifileumfwika, kabili na ku fishibilo. Kalata yenu ifwile ukumoneka bwino kabili ifwile ukulembwa busaka busaka. Nga ca kuti mukalemba kalata ukubomfya peni nelyo pensulo, mufwile ukulemba bwino pa kuti tacafishe ukubelenga. Mwilalemba kwati mulefwaya incito nelyo kwati mulelembela cibusa wenu.

Muli kalata ya kumulangilila ifyo mwingalemba, muli ifi fiine ifishinka. Tumulingile ukulemba ifi fine ilembelwe ilyo mulelembela umuntu mu cifulo mubilamo imbila nsuma. Kuti mwailemba ukulingana ne fyo mulefwaya ukulandapo e lyo ne fyo ifintu fyaba mu cifulo mubilamo imbila nsuma