Bushe Satana Kaseebanya E Waleta Ukucula Konse?

Icasuko ca mu Baibolo

Baibolo itila Satana Kaseebanya e ko aba. Kabili abomfya “ifipesha amano ifya bufi” e lyo ‘alabepa’ pa kuti ifyo alefwaya ficitike. Aba nge cipondo icakwata sana amaka. Baibolo itila, Satana “alaifungushanya kwati ni malaika wa lubuuto.” (2 Abena Tesalonika 2:9, 10; 2 Abena Korinti 11:14) Ububifi ubucitika bulanga fye ukuti Satana e ko aba.

Lelo Satana te waleta ukucula konse. Cinshi twalandila ifi? Lesa apangile abantu na maka ya kuisalila abene nampo nga balefwaya ukucita icisuma nelyo iyo. (Yoshua 24:15) Nga twacita ifyabipa, mulafuma ifibi.—Abena Galatia 6:7, 8.