Laef i Had Tumas

Traem tingbaot Salia blong Amerika, we i lusum bighaf blong ol samting blong hem long wan hariken. Hem i talem se: “Mi harem se paoa blong mi i finis. Plante taem mi wantem ded nomo.”

?Olsem wanem sipos wan fren o famle i ded? Jan blong Ostrelia, i talem se: “Taem tufala boe blong mi i ded, mi no moa gat hop. Mi harem se mi mas stat long siro bakegen. Mi krae long God se: ‘!Hat blong mi i soa tumas! !Plis yu letem mi mi slip olwe we mi no moa wekap bakegen!’”

Daniel i harem nogud bitim mak taem waef blong hem i slip wetem narafala man. Hem i se: “Taem waef blong mi i talemaot se hem i bin slip wetem narafala man, i olsem se wan naef i stikim hat blong mi. Mi harem soa ya bakegen mo bakegen, mo i gohed blong plante manis.”

Wajtaoa ya bambae i tokbaot from wanem laef blong yu i no blong nating nomo taem

• I gat wan disasta

• Wan famle o fren i ded

• Hasban o waef i slip wetem narafala

• Yu kasem wan bigfala sik

• Yu harem se yu no moa gat paoa

Fastaem, bambae yumi tokbaot samting we i save givhan long yumi long taem blong disasta.