Miting Blong Halpem Yumi Blong Mekem Disaepol
Wik We i Stat Long Janewari 1
Singsing 25
10 menet: Lokol mesej. Advaes we oli stret long kongregesen. Talem gud wanem buk yumi mas seremaot long manis Janewari. Tokbaot sam faswan tok we ol pablisa oli save yusum wetem stampa tok blong prij blong manis ya.
15 menet: “Yumi Rere Blong Soem Kwik Ol Buk Blong Yumi.” Toktok wetem kwestin mo ansa. Taem yufala i stap tokbaot haf 5, yufala i save mekem wan plei. Wan pablisa i statem wan Baebol stadi wetem wan man we i holem finis buk Trutok. Biaen, yu yu save askem sam kwestin long wan pablisa we i gat gudhan blong givimaot plante buk, mo blong statem sam nyufala Baebol stadi.
20 menet: Ol kad blong ol dokta, mo ol identiti kad blong ol pikinini. Sekretari blong kongregesen i askem long sam brata blong seremaot ol kad long ol brata. Hem i tokbaot leta blong Janewari 1, 1990. Olgeta brata we i baptaes finis i save gat wan kad blong ol dokta. Mo identiti kad i blong ol pikinini we papa mama blong hem i Wetnes, no ating wan long tufala i Wetnes. Kad ya i blong ol pikinini we oli no baptaes, mo oli no gat 18 yia blong hem. Soemaot long ol brata sista olsem wanem yumi save folem gud ol rul blong Sosaete. Sipos yumi mekem olsem, ol kad ya oli save blokem sam trabol, blong oli no kasem yumi.
Singsing 24 mo laswan prea.
Wik We i Stat Long Janewari 8
Wik blong Distrik Asembli long Port-Vila. I no gat sam narafala miting long wik ya.
Wik We i Stat Long Janewari 15
Singsing 4
10 menet: Lokol mesej, mo ripot long ol kaon. Talem wanem presen mane kongregesen i sanem long Sosaete. Namba blong presen mane ya i stap long pepa blong ol kaon blong manis Disemba we Sosaete i sanem i kam long yufala. Talem tangkyu long ol brata sista from mane we oli givim blong givhan long wok blong Kingdom insaed long kongregesen, mo long ol narafala ples long wol tu.
20 menet: “Talemaot Gud Nyus—Yusum Gud Ol Traket.” Toktok wetem kwestin mo ansa. Long haf 5 mo 6, mekem 2 plei blong soemaot olsem wanem yumi save yusum tufala traket ya—Laef Long Pis Blong Nyufala Wol, mo From Wanem Yu Yu Save Bilif Long Baebol. Yusum tufala traket ya long ol faswan tok. I no gat nid blong finisim toktok ya. Soemaot nomo olsem wanem brata ya i yusum wan traket, nao i stat tokbaot stampa tok blong prij. Soemaot from wanem yumi mas holem olgeta jans blong seremaot ol traket. Talemaot ol miting blong go prij we kongregesen i mekem, mo singaot ol brata sista blong oli kam long olgeta.
15 menet: “?Olsem Wanem Mi Mi Save Mekem Blong No Folem Ol Fren We i Wantem Pulum Mi?” Wan elda i toktok wetem tu yangfala we i gat gudfala fasin. Oli yusum Wekap! (Engglis) Julae 22, 1982, pej 20-22 (Franis: Oktomba 22, 1982, pej 20-22) Talem olsem wanem plante yangfala oli wantem we ol fren blong olgeta oli laekem olgeta, nao oli mekem ol samting we ol fren blong olgeta i wantem. Ol bigman tu oli save gat filing ya. Ansa long ol kwestin ya: ?I isi, no i no isi blong ol yangfala i winim fasin ya? ?Olsem wanem blong winim hem? Soemaot olsem wanem yumi save kam strong blong no letem ol fren blong yumi oli gat paoa long yumi. Talem se yu yu laekem gudfala eksampel we plante yangfala long kongregesen oli soemaot long saed ya. Jeova i harem gud long gudfala fasin blong olgeta we i leftemap nem blong hem.—Prov. 27:11.
Singsing 188 mo laswan prea.
Wik We i Stat Long Janewari 22
Singsing 171
10 menet: Lokol mesej. Tokbaot ol miting blong prij we kongregesen i mekem long ol dei blong wik. Pulum ol pablisa blong go prij long en blong wik ya.
20 menet: “Karem Moa Frut Long Wok Blong Prij.” Toktok wetem kwestin mo ansa. Taem yufala i tokbaot haf 5, mekem 2 plei. Tufala plei ya i ol faswan tok we oli stap long Wajtaoa blong Ogis 1, 1989 long pej 17, haf 5 mo 6. Ol pablisa oli glad blong mekem plei ya, mo oli rili tingbaot ol samting we oli talem.
15 menet: “Wan Kristin i Wanem Kaen Man.” Tok ya i stanap long buk Aid to Bible Understanding, long pej 316 haf 10 kasem pej 317 haf 2. (Franis: pej 271 mo 272) Soemaot olsem wanem i impoten blong folem rod blong Jisas we i gat lav, mo i no tingbaot hem wan nomo.
Singsing 168 mo laswan prea.
Wik We i Stat Long Janewari 29
Singsing 135
10 menet: Lokol mesej. Tiokratik nyus. “Putum Wan Notis Long Fored Blong Haos-Kingdom.”—Talem ol samting we lokol kongregesen i save mekem blong folem ol advaes ya.
15 menet: Mekem wan tok long ol samting we kongregesen i nidim.
20 menet: “Sam Faswan Tok We i Karem Frut.”—Toktok wetem kwestin mo ansa. Mekem wan plei blong soemaot olsem wanem yumi save yusum faswan tok we Sosaete i givim long haf 5. Mekem wan plei blong soemaot olsem wanem yumi save yusum ol pej 9-15 blong buk Reasoning. Jusum wan tok we i stret long ol samting we ol man oli talem long ples blong yufala. Pulum ol pablisa blong karem buk Reasoning wetem olgeta taem oli go long wok blong prij, mo blong yusum hem blong ansa long ol kwestin. Pulum evriwan blong go prij long en blong wik ya.
Singsing 108 mo laswan prea.