Ansa Long Wan Kwestin

● ?Sipos seket elda i visitim kongregesen blong yu, olsem wanem long program blong spesel miting ya? ?Olsem wanem long buk-stadi mo ol narafala haf blong miting ya?

Taem seket elda i stap wetem yumi, yumi evriwan i kam joen tugeta long Haos-Kingdom blong mekem buk-stadi. Afta long buk-stadi, seket elda bambae i askem long yumi sam kwestin long saed blong Baebol mo ogenaesesen. Hem i yusum smol pepa we ol brata oli seraotem bifo long spesel wik, se “Yumi Mas Stap Long Ol Samting We Yumi Lanem Finis.” Biaen, hem i save mekem wan tok long kongregesen. Plante taem, miting olsem i kamaot long tasde no fraede naet.

Miting i stat wetem wan singsing mo prea, biaen wan elda i lidim buk-stadi long 45 menet. Brata ya i mas kavremap evri haf blong buk-stadi mo hem i mas jusumaot wan brata blong ridim olgeta haf blong stadi. Buk-stadi i mas gohed olsem oltaem. Biaen long buk-stadi, i gat wan narafala singsing. Afta, seket elda i gat 30 menet blong mekem haf ya “Yumi Mas Stap Long Ol Samting We Yumi Lanem Finis.” Biaen olgeta, seket elda i gat 30 menet blong mekem wan tok we i stret gud long ol nid blong kongregesen we hem i visitim. Long tok blong hem, bambae seket elda i tokbaot bakegen gud wok we ol pablisa oli mekem, mo hem i save givim sam moa advaes long ol. Ol tok we hem i talem long naet ya oli blong leftemap tingting blong kongregesen mo blong givhan long ol pablisa blong gohed strong long minista wok blong olgeta.

Miting ya i finis wetem wan singsing mo prea. Seket elda nao i jusumaot evri singsing we kongregesen i sing long hem long naet ya. Nating se yumi kaontem ol singsing mo ol prea, be spesel miting ya i no mas bitim 2 haoa.

Rod ya we Sosaete i stanemap long 1977 (km 10/77) i mekem se visit blong seket elda long wan kongregesen i kam olsem wan gudfala taem we evriwan i glad long hem mo kongregesen i kasem plante blesing from. Olgeta pablisa wanwan oli kam mo oli joen tugeta long nambawan miting ya we ogenaesesen blong Jeova i putumap.