Miting Blong Halpem Yumi Blong Mekem Disaepol
Wik We i Stat Long Mei 7
Sing 67.
5 menet: Lokol Mesej. Talemaot ol advaes blong Kingdom Wok Blong Yumi we oli stret gud long kongregesen blong yu. Talemaot bakegen ol ples we i gat miting blong prij long medel wik mo long wiken.
20 menet: “Yumi Givimaot Ol Gudfala Samting Blong Speret Long Ol Man”—Toktok wetem kwestin mo ansa. Leftemap tingting blong evriwan blong gat gladhat long saed blong speret. Sipos i gat naf taem, tokbaot sam ekspiryens we i soemaot gud olsem wanem sam pablisa oli mekem sabskripsen long Wajtaoa mo Wekap!
20 menet: ‘Fasin Blong Holemtaet Long God i Karem Plante Blesing Long Man’—Askem long ol brata sista long Haos-Kingdom blong givim ansa long tok ya. Sipos i gat rod, yufala i save askem long sam paenia blong tokbaot ol bigfala poen blong haf ya.
Sing 19 mo laswan prea.
Wik We i Stat Long Mei 14
Sing 28.
8 menet: Lokol mesej. Tiokratik nyus, mo ripot blong ol kaon. Talem tankyu long kongregesen from ol presen mane we hem i sanem long Sosaete. Talem long hem se mane we hem i sanem i go i givhan bigwan long ol wok blong Kingdom.
15 menet: “?Wanem Fasin Blong Yu?”—Toktok wetem kwestin mo ansa. Soemaot se yumi evriwan i mas tinghae long ol miting blong kongregesen be yumi no mas gat fasin blong mestem sam miting. Brata we i mekem tok ya i save talemaot mak we kongregesen i kasem long saed ya.
22 menet: “Yumi Go Long Distrik Asembli Blong 1990 ‘Wan Klin Lanwis’ ”—Faswan haf. Toktok wetem olgeta long kongregesen mo gotru ol haf 1 kasem 15. Talemaot ol stampa poen blong haf ya “Ol Distrik Asembli—Sam Advaes Blong Rimemba.”
Sing 65 mo laswan prea.
Wik We i Stat Long Mei 21
Sing 133.
5 menet: Lokol mesej. Tokbaot sam gudfala poen we oli stap long ol laswan magasin. Talemaot wanem plan kongregesen i mekem blong go prij long Mei 24.
15 menet: “Talemaot Gud Nyus—Tru Long Ol Baebol-Stadi.” Toktok wetem kwestin mo ansa. Talemaot long ol pablisa we oli mekem Baebol-Stadi se oli mekem gud wok mo oli leftemap tingting blong olgeta we oli no gat Baebol-Stadi blong olgeta tu oli kasem wan. Mekem wan sot pleplei blong soemaot rod blong folem ol advaes we i stap long ol haf 4 mo 5.
25 menet: “Yumi Go Long Distrik Asembli Blong 1990 ‘Wan Klin Lanwis’ ”— Seken haf. Tekem namba tu haf blong Kingdom Wok, i stat long haf 16 kasem 35, storeyan wetem kongregesen long ol poen ya. Tokbaot ol rul blong Baebol we yumi mas folem taem yumi stap long ol asembli. Talemaot long ol pablisa se i gud blong yusum namba tu haf blong Kingdom Wok blong givhan long ol stadi blong ol. Mo tu, oli save faenemaot sam rod blong kam long asembli.
Sing 127 mo laswan prea.
Wik We i Stat Long Mei 28
Sing 29.
13 menet: Lokol mesej mo haf ‘Ansa Long Wan Kwestin.’ Tokbaot olsem wanem blong seremaot buk: Your Survival long manis Jun. Soemaot se fasin blong sef long Bigfala Dei blong God i kolosap nomo naoia. Yumi mas wet long faet ya olsem we Sefanaea 3:8 i talem. Sipos yumi wantem laef, yumi mas folem ol disisin blong God. (Sefanaea 2:2, 3) Buk ya i soemaot klia ol samting we man i mas mekem blong God i agri long hem mo go insaed long nyufala wol we hem i promes long hem. Talemaot wanem plan ol elda i putumap blong go prij long Jun 4.
17 menet: “Yumi Talemaot Trutok.”—Mekem haf ya wetem kwestin mo ansa. Toktok wetem sam pablisa we oli jenisim fasin blong yusum taem blong ol, blong mekem wok blong haftaem paenia.
15 menet: “?Olsem wanem blong winim ol trabol we yumi kasem long tingting blong yumi?”—Wan elda i givim tok ya. Hem i yusum Wajtaoa blong Maj 1, 1990, pej 5 kasem 9. Long fastok, talemaot ol defren stampa blong sik ya, yusum bokis we i stap long pej 4 blong magasin. Brata we i mekem tok ya i mas soemaot se hem i rili laekem mo hem i kasemsave long trabol blong olgeta we i gat sik ya. Leftemap tingting blong ol brata blong makem gud ol tingting we i stap long magasin mo askem long olgeta blong go talemaot long ol narawan wanem samting oli lanem.
Sing 30 mo laswan prea.