Ol Buk Stadi

Haf 4: Gohed Blong Stap Givhan Long Yufala Wanwan

¹ Yumi wanwan insaed long Buk Stadi i gat wan impoten haf blong givhan long saed blong speret long narafala insaed long grup ya. Yumi evriwan i wantem obei long rul ya blong Baebol se ‘i gud yumi stap tingbaot yumi, blong yumi givgivhan long yumi blong mekem yumi strong blong laekem ol man, from we yufala i luk we Dei ya blong Mas­ta blong yumi bambae i jajem olgeta man, hem i kam kolosap finis.’​—⁠Hib. 10:​24, 25.

² Halpem Yumi Wanwan: Yumi evriwan i save givhan blong mekem se insaed long Buk Stadi grup i gat wan filing mo yumi kolosap moa long yumi mo yumi fren gud. Taem yumi soemaot intres long narafala memba insaed long grup, samting ya i mekem se yumi kam kolosap moa olsem wan grup. Galesia 6:10 i talem se: “From samting ya, oltaem, sipos yumi gat jans, yumi mas mekem i gud long olgeta man. Antap moa, yumi mas mekem olsem long olgeta ya we oli bilif long Kraes, nao oli brata blong yumi.” ?Yu yu luksave sam insaed long Buk Stadi we oli no stap oli sik? Maet yu save toktok wetem olgeta long telefon no visitim olgeta. Tingting olsem insaed long ol Buk Stadi grup i mekem ol brata i kam kolosap moa.

³ ?I gat sam man we oli nidim blong yu leftemap tingting blong olgeta from ol trabol we oli stap kasem evri dei no from ol responsabiliti no ol narafala trabol tu? ?Olsem wanem blong givhan long olgeta? Traehad blong storeyan wetem ol narafala, mo yu no jes talem halo nomo long olgeta. Sam man oli sem, oli no save toktok fastaem. Be oli sipos wan brata i kam toktok mo i lesin gud long olgeta, oli glad nomo. (uwLM haf 2 p. 34-35) Aposol Pol i talem long ol Kristin se: “Yufala i mas mekem tingting blong ol man ya we oli fraet, i strong bakegen. Yufala i mas givhan long olgeta we oli no gat paoa. Mo long olgeta man, yufala i mas mekem tingting blong yufala i longfala.” (1 Tes. 5:14) Sipos wan man i sik no tingting blong hem i foldaon, i gud tumas taem ol fren i kam visitim no halpem hem. Samtaem man we i sik i no nidim plante samting, be i nidim nomo blong luk we i gat ol narafala man i intres long hem mo kea gud long hem.

⁴ Yumi wantem sapotem ol miting blong prij. Yumi mas traehad blong wok wetem ol defren pablisa insaed long grup. (2 Korin 6:​11-13; 12:15) Samtaem maet brata we i stap lukaotem Buk Stadi i save askem long yumi blong givhan long narafala pablisa. ?Wanem tingting blong yumi? Buk Stadi grup i save gohed gud sipos ol pablisa mo ol paenia oli wok wetem ol narafala pablisa long plante haf blong wok blong prij mo blong mekem disaepol.

⁵ Eksampel Blong Yumi Wanwan: I gat ol narafala rod blong yu givhan long Buk Stadi grup. Gudfala eksampel blong yu hem i impoten tumas. Ol klos we yu putum blong go long miting blong Haos-Kingdom i save soemaot respek blong yu. Long rod ya, yu yu soemaot eksampel long olgeta we oli stap putum ol klos olbaot nomo. ?Oltaem yu stap kamtru long ol miting bifo we miting i stat blong no spolem olgeta we oli stap lesin long miting?

⁶ Buk Stadi i soemaot lav blong Jeova long yumi mo i givhan long yumi. Taswe yumi mas sapotem hem. (Aes. 40:11) Hem i wan ples we yumi wanwan i save kasem help long hem, mo tu yumi save givhan long ol narafala long saed blong speret. “Yufala i mas stap toktokgud long yufala blong mekem tingting blong yufala i strong, mo yufala i mas givgivhan long yufala, olsem we yufala i stap mekem naoia.” Blong mekem olsem, yumi mas sapotem Buk Stadi.​—⁠1 Tes. 5:⁠11.