Ansa Long Wan Kwestin

◼ ?Kongregesen i mas gat ol Kingdom Wok Blong Yumi long ples blong ol buk?

Kingdom Wok Blong Yumi long Mei 1972, i talem se i gud blong stap hivimap wan kopi blong Kingdom Wok Blong Yumi long evri manis long ples blong ol buk blong Haos-Kingdom, blong ol man oli save ridim bakegen. Tede i gud blong gohed blong gat kopi blong Kingdom Wok Blong Yumi long ples blong ol buk long evri Haos-Kingdom blong ol elda mo ol pablisa oli save yusum.

Samting ya i save givhan long ol pablisa blong oli lukluk bakegen ol poen bifo, we oli tokbaot wok blong prij, fasin blong mekem Baebol stadi, ol visit, mo ol narafala samting olsem. I gat ol gudfala advaes oli stap long olgeta blong yusum long wok blong prij. Samtaem ol Kingdom Wok Blong Yumi naoia oli stap tokbaot ol poen we oli stap long ol Kingdom Wok Blong Yumi bifo, taem ya sam brata oli no joen long kongregesen yet. Olgeta we oli jes joen long kongregesen oli save kasem ol gudfala samting from. Ol folda we oli wokem blong putum ol Wajtaoa insaed oli gud blong yusum blong putum Kingdom Wok Blong Yumi insaed mo putum i stap long Haos-Kingdom.

Ol elda oli save askem man blong lukaot Tiokratik Skul no wan man blong givhan we hem i naf blong stap hivimap wan kopi blong ol Kingdom Wok Blong Yumi long evri manis long wan folda. Ol tok insaed long Kingdom Wok Blong Yumi oli advaes nomo oli no ol bigfala rul, be hem i gud blong putum olgeta oli stap long ples blong ol buk blong Haos-Kingdom. Yu no save mekem oda long ol olfala Kingdom Wok Blong Yumi i go long Bruklin.