Miting Blong Kingdom Wok Blong Febuwari
Wik We i Stat Long Febuwari 1
Singsing 171
10 menet: Lokol mesej mo sam stret Advaes we oli kamaot long Kingdom Wok Blong Yumi. Talemaot sam poen long ol nyufala magasin we bambae oli seremaot.
20 menet: “Wokgud Wetem Brata We i Lukaot Long Buk Stadi Long Kongregesen Blong Yumi.” Kwestin mo ansa.
15 menet: “Ol Fastok We Oli Isi Mo Wokgud.” Tok wetem ol man we oli lesin. Taem yu tokbaot haf 3, mekem wan pleplei we i soemaot olsem wanem pablisa we i mekem man blong haos i intres long Laef Foreva buk. Taem yu tokbaot haf 5, soemaot olsem wanem pablisa i yusum traket sipos man blong haos i no tekem buk.
Singsing 215 mo laswan prea.
Wik We i Stat Long Febuwari 8
Singsing 126
10 menet: Lokol mesej. Tokbaot sam poen long ol nyufala magasin. Leftemap tingting blong evriwan blong joen long wok blong prij long wiken.
20 menet: “Mekem Baebol Stadi Wetem Laef Foreva Buk.” Tok wetem kwestin mo ansa. Afta we yu tokbaot haf 6, mekem wan pleplei we i soemaot olsem wanem wan yangfala i save askem mo statem wan Baebol stadi wetem Laef Foreva buk. Tokbaot wan lokol ekspiryens we wan yangfala i naf blong statem sam stadi.
15 menet: “Oli No Man Blong Winim Mane From Tok Blong God.” Presiden elda no wan narafala elda i mekem tok ya we i stanap long Desemba 1, 1992, Wajtaoa, pej 26 kasem 29 (Engglis no Franis). Wetem kaen fasin, leftemap tingting blong ol brata long sapot blong olgeta long wok blong Sosaeti long wol mo tu long lokol kongregesen. Yu save talem tu long sapot we kongregesen i stap mekem naoia long saed blong lon we Sosaeti i givim blong bildim Haos Kingdom mo plan we oli gat blong givhan blong wan lokol Haos Kingdom naoia sipos i gat.
Singsing 53 mo laswan prea.
Wik We i Stat Long Febuwari 15
Singsing 143
10 menet: Lokol mesej. Ripot blong ol kaon. Talem tok blong tangkyu we Sosaeti i talem long saed blong presen mane, mo talem tangkyu long kongregesen long sapot blong olgeta long nid blong kongregesen. Leftemap tingting blong olgeta blong joen long wok blong prij long wiken.
20 menet: “Tijim... Tok Ya We Mi Mi Givim Finis Long Yufala.” Kwestin mo ansa. Taem yu tokbaot haf 4 mo 5, talem eksampel blong sam narafala vas mo ol buk we oli stret long ples blong yufala. Mekem wan pleplei i reregud we i soem olsem wanem blong joenem fastok blong yu i go long wan traket. Yusum wan no tu haf blong traket sipos i gat inaf taem. Leftemap tingting blong evriwan blong traehad blong statem ol Baebol stadi.
15 menet: “Blad,” Reasoning buk, pej 72-74 (359-362, Franis). Mekem tok ya olsem se hem i visit bakegen we man blong haos i askem kwestin long saed blong blad. Ansa blong pablisa i mas stanap long ol tok blong Reasoning buk.
Singsing 181 mo laswan prea.
Wik We i Stat Long Febuwari 22
Singsing 150
10 menet: Lokol mesej. Tiokratik Nyus.
20 menet: “Soem Fasin Tangkyu Long Ransom.” Wan elda i mekem tok ya.
15 menet: Lokol nid no wan tok blong leftemap tingting we i stanap long Oktoba 1, 1992, Wajtaoa (Engglis no Franis), long haf ya “Lanem Fasin Obei Taem Yu Akseptem Fasin Stretem.” Soem olsem wanem ol man blong Jeova—tugeta ol yangfala mo olfala oli kasem fasin stretem, mo tokbaot ol blesing we oli kamaot taem oli gat stret tingting blong obeigud.
Singsing 211 mo laswan prea.