Yusum Ol Magasin Blong Halpem Ol Narafala
1 Yumi glad blong kasem ol nyufala magasin ya Wajtaoa mo Wekap! Yumi laekem blong ridim olgeta kwiktaem blong yumi save haremgud from ol tok we oli stap long hem. Yumi save lukaot sam samting we oli save halpem yumi wanwan, mo tu hem i wan gudfala tingting blong lukaot sam poen we yumi save yusum taem yumi seraotem ol magasin ya long ol narafala. Maet yumi save makem sam haf we i go stret long olgeta man long teritori blong yumi no maet yumi raetem wan not long prapa kopi blong yumi, blong mekem yumi tingbaot ol poen ya blong tokbaot mo olsem wanem yumi save seremaot.
2 Ol magasin blong yumi oli save givhan long ol man longtaem. Maet plante taem yumi stap givimaot ol nyufala magasin nomo, be i no nid blong sakem ol olfala wan, ol tok we oli stap insaed oli no lusum mining blong hem. Fulumap sam olfala magasin long basket blong prij, ating yu save yusum long wok blong prij. Yu save yusum olgeta taem yu luksave wan stret nid blong man blong haos. Taem yu givimaot wan olfala magasin, hem i oraet blong askem wan smol mane long hem long kaen fasin.