!Yu Tu Yu Save Gat Ol Gudfala Ekspiryens!

I luk olsem we sam pablisa, oltaem oli save talem ol gudfala ekspiryens blong leftemap tingting blong ol narafala, long saed blong wan gudfala storeyan no wan visit bakegen we oli glad tumas long hem. Ol gudfala ekspiryens oli no kamaot olsem nomo. Bighaf blong olgeta, oli frut blong hadwok we i gohed longtaem. I no ol pablisa we oli save toktokgud mo oli gat gudhan long wok blong prij nomo we oli stap gat ol gudfala ekspiryens.

Hemia nao sam samting we olgeta we oli karem gudfala frut oli stap mekem: (1) Oli joen long wok blong prij oltaem, olsem plante taem long wan wik. Samting ya i mekem se oli gat plante jans blong mitim ol man we oli intres; (2) oli holem wan positif tingting long saed blong ol man we oli prij long olgeta, oli no gat tingting se ol man ya oli no wantem lesin; (3) oli gat fasin blong frengud wetem ol man, oli soem kaen fasin mo trufala intres long olgeta we oli lesin; (4) oli traehad mo oli gobak plante taem blong mekem ol visit bakegen mo blong faenem ol man we oli no stap long haos fastaem; mo (5) oli gat plan long tingting blong statem ol Baebol stadi.

Taem yu luklukgud long wok blong yu, maet yu luk sam samting we yu save mekem blong kasem moa long ol nambawan ekspiryens, we oli halpem yumi blong karem plante frut mo blong haremgud long minista wok blong yumi.