Miting Blong Kingdom Wok Blong Oktoba
Wik We i Stat Long Oktoba 2
Singsing 149
10 menet: Lokol mesej. Sam Advaes long Kingdom Wok Blong Yumi. Makemgud advaes ya long saed blong Wekap! blong Novemba 8, sipos i stret long ples blong yufala.
15 menet: “Presem Jeova Oltaem.” Kwestin mo ansa. Makemgud se yumi mas mekem ol save long ol vas blong Baebol we oli stap long haf ya, i wok long laef blong yumi.
20 menet: “Seremaot Ol Magasin Long Evri Ples.” Tokbaot ol bigfala poen, nao tokbaot sam haf blong ol magasin we yumi save yusum blong seremaot ol nyufala magasin. Mekem tu no tri pleplei long ol rod blong storeyan we oli stap ya.
Singsing 153 mo laswan prea.
Wik We i Stat Long Oktoba 9
Singsing 131
10 menet: Lokol mesej. Ripot blong ol kaon.
15 menet: Lokol nid. Sipos no, wan elda i save givim wan tok long Wajtaoa blong Julae 15, 1995, pej 25-27, long haf ya “Fasin Blong Putumaot Man Long Kongregesen—?Wan Rod Blong Soemaot Lav?”
20 menet: “?Yumi Stap Wekap We i No Gat Ol Narafala Samting Oli Pulum Yumi?” Kwestin mo ansa. Sipos i gat taem, ademap sam moa poen we oli kamaot long Wajtaoa (Engglis mo Franis) blong Mei 1, 1992, pej 20-22.
Singsing 128 mo laswan prea.
Wik We i Stat Long Oktoba 16
Singsing 120
10 menet: Lokol mesej. Pulum tingting blong evriwan i go long buklet ya Good News for All Nations, we i talemaot rod blong serem trutok wetem ol man long 59 lanwis. Pulum kongregesen blong yusum buklet ya long wok blong prij, taem oli mitim ol man we oli toktok narafala lanwis.
15 menet: Lokol nid. Sipos no, wan tok we i leftemap tingting, we i stanap long Wajtaoa blong Jun 1, 1995, pej 26-29, long haf ya, “Obei Long God Insaed Long Famle We Samfala i Gat Defren Bilif.”
20 menet: “Mekem Ol Visit Bakegen Wetem Wan Plan Long Tingting Blong Yu.” Tokbaot wanem plan we yumi mas gat long tingting blong yumi taem yumi mekem ol visit bakegen. Askem long tu pablisa we oli nafgud blong mekem tu pleplei. Pablisa i save eksplenem olsem wanem yumi kasem naf mane blong sapotem wok ya.
Singsing 130 mo laswan prea.
Wik We i Stat Long Oktoba 23
Singsing 100
10 menet: Lokol mesej. Tiokratik Nyus.
15 menet: “Yumi Nidim Kongregesen.” Kwestin mo ansa.
20 menet: Lidim Ol Man We Oli Intres Oli Go Long Ogenaesesen. Elda we i lukaot long wok blong prij i storeyan wetem tu no tri pablisa. Hem i yusum buklet ya Ol Wetnes Blong Jeova—Oli Joengud Blong Mekem Wok Blong God Long Olgeta Ples Blong Wol. Eksplenem from wanem i gud blong givim save long saed blong ogenaesesen long ol man we oli intres, olsem wanem ogenaesesen i mekem plan blong ol wok blong hem, mo olsem wanem olgeta ya we oli intres oli save joen long wok ya. Tokbaot sam poen long pej 14 mo 15 long “Ol Miting Blong Pulum Ol Man Blong Laeklaekem Olgeta Mo Mekem Ol Gudfala Wok.” Blong smoltaem, grup ya i save mekem wan pleplei blong soemaot olsem wanem blong yusum ol save ya long wan visit no wan Baebol stadi, blong halpem man we i intres blong luksave se i impoten we hem i kam long ol miting.
Singsing 126 mo laswan prea.
Wik We i Stat Long Oktoba 30
Singsing 159
10 menet: Lokol mesej. From ol holide blong ol man blong wol long Novemba mo Desemba, leftemap tingting blong evriwan blong tingbaot blong mekem wok blong haftaem paenia.
15 menet: ?Yu Yu Bin Askem Ol Baebol Studen Blong Yu Blong Givim Nem Blong Sam Narafala Man We Oli Intres? Wan tok. Sam pablisa oli bin statem sam nyufala Baebol stadi long rod ya: Afta we oli stadi wetem wan man blong smoltaem, oli askem long hem sipos wan fren, famle, no wan narafala we hem i save hem, i intres blong stadi Baebol tu. Plante taem studen bambae i givim plante nem. Askem long hem sipos yu save talemaot nem blong hem taem yu visitim ol man ya. Taem yu go luk olgeta, maet yu save talem se: “Masta/Misis . . . i haremgud tumas long stadi we mitufala i mekem tugeta long Baebol. Taswe hem i ting se maet yu tu yu glad blong folem program ya we i fri nomo, blong stadi Baebol.” Long rod ya, yu save kasem wan bigfala lis blong ol visit, we maet biaen oli kam ol gudfala Baebol stadi. Tokbaot wan no tu ekspiryens blong sam pablisa we oli bin yusum rod ya blong faenem ol man we oli intres no blong statem ol nyufala stadi.
20 menet: Mekem Ol Sabskripsen Long Novemba. Blong smoltaem, tokbaot from wanem Wekap! mo Wajtaoa oli gud tumas. Insaed long smol tok ya, yu save eksplenem plan blong Wajtaoa olsem i stap long pej 2 long evri magasin. Tokbaot sam haf blong ol magasin we evriwan oli save yusum long wok blong prij long wik we i kam. Askem tu pablisa we tufala i nafgud, blong mekem tu pleplei blong seremaot sabskripsen. Wan i save soem olsem wanem blong fulumap pepa blong sabskripsen. Pulum tingting blong evriwan blong karem ol nyufala magasin mo ol pepa blong sabskripsen, blong yusum olgeta long wok blong prij long wik we i kam.
Singsing 138 mo laswan prea.