Miting Blong Kingdom Wok Blong Maj
Wik We i Stat Long Maj 4
Singsing 1
10 menet: Lokol mesej. Sam Advaes long Kingdom Wok Blong Yumi. Tiokratik Nyus.
15 menet: “Presem Jeova ‘Evri Dei.’ ” Kwestin mo ansa. Ridim haf 2 kasem 5. Leftemap tingting blong evriwan blong joen long wok blong haftaem no fultaem paenia.
20 menet: “Save Long Saed Blong Trufala God i Lidim Man Blong Kasem Laef.” Tokbaot ol rod blong storeyan we oli stap ya. Mekem wan no tu pleplei.
Singsing 78 mo laswan prea.
Wik We i Stat Long Maj 11
Singsing 164
10 menet: Lokol mesej. Ripot blong ol kaon.
20 menet: “Kasem Ol Gudfala Samting From Tiokratik Skul Long 1996—Haf 3.” Elda we i lukaot long Tiokratik Skul i givim tok ya. Leftemap tingting blong evriwan we oli naf, blong oli joen long skul mo traehad blong mekemgud ol tok blong olgeta.
15 menet: Famle i Mas Mekem Ol Samting Tugeta. Wan papa i storeyan wetem famle blong hem long isi fasin, long saed blong nid blong mekem ol samting tugeta. Tok blong hem i stanap long Wajtaoa Septemba 1, 1993, pej 16 kasem 19. Tokbaot famle stadi mo wok blong prij. Soem olsem wanem plante famle naoia oli stap seraot from we oli spenem smol taem nomo blong mekem ol samting tugeta, mo ol intres blong olgeta wanwan oli defdefren. Fasin blong stadi long Tok blong God mo joen long wok blong prij tugeta i wan blesing long Kristin famle. Makem nid blong papa i mekem gudfala plan blong ol samting ya, mo mama i wokgud wetem hem blong mekem plan ya i stanap. Ol pikinini oli mas intres long ol wok long saed blong speret, mo wok kolosap long papa mama blong olgeta. Famle bambae i joengud mo i strong gud blong winim ol traem we oli pulum olgeta blong folem wol, mo we oli stap kam plante naoia.
Singsing 211 mo laswan prea.
Wik We i Stat Long Maj 18
Singsing 6
10 menet: Lokol mesej. Olgeta we oli mekem ol stadi, oli mas leftemap tingting blong ol nyuwan we oli stap gohed gud long Baebol stadi blong olgeta, blong traehad blong kam ol pablisa we oli no baptaes. Ol papa mama tu oli save givhan long ol pikinini blong olgeta blong kam pablisa. Tokbaot stret rod blong folem, olsem buk ya Ol Rul Blong Mekem Minista Wok Blong Yumi i talem, long pej 97 kasem 100.
15 menet: Tokbaot Ol Bigfala Poen Long 1996 Yearbook of Jehovah’s Witnesses. Wan famle i tokbaot sam gudfala poen long saed blong wok blong prij long olgeta ples long wol, long pej 3 kasem 5. Oli mekem plan se evri dei, bambae oli ridim sam pej blong Yearbook tugeta, afta we oli storeyan long vas blong dei long Ridimgud Ol Tok Blong Baebol Evri Dei.
20 menet: “Halpem Ol Man Blong Kasem Save Ya Blong Lidim Olgeta Long Laef.” Tokbaot ol rod blong mekem visit olsem haf ya i talem. Mekem wan no tu pleplei. Makemgud se yumi wantem statem ol stadi.
Singsing 130 mo laswan prea.
Wik We i Stat Long Maj 25
Singsing 5
15 menet: Lokol mesej. Tokbaot “Ol Samting Blong Tingbaot Long Saed Blong Memoriol.” Eksplenem from wanem i impoten blong kam. (Lukluk Wajtaoa Febuwari 15, 1985, Engglis pej 18 kasem 20, Franis pej 16 kasem 18.) Tokbaot ol plan blong givhan long ol olfala, ol sikman, mo ol nyuwan blong oli kam. Tokbaot ol plan blong mekem moa long wok blong prij long wik we i kam. Mo tu, storeyan long pej 32 blong Wekap! Septemba 22, 1995 (Engglis mo Franis), “Taem Yumi Tekem Ol Strenja Oli Kam Long Haos Blong Yumi.”
15 menet: Wan Kwestin. Wan elda i givim tok ya. Tokbaot ol risen we oli pusum yumi blong givim presen wetem gladhat, olsem Wajtaoa Janewari 15, 1992 (Engglis mo Franis), pej 16 mo 17 i tokbaot.
15 menet: “Reregud—Rod Blong Karem Frut.” Kwestin mo ansa. Talem se bambae yumi seremaot Wajtaoa mo Wekap! long Epril mo Mei. Yumi mas rere naoia. Odarem sam moa magasin, karem ol pepa blong mekem sabskripsen, mo mekem plan blong sapotem ol spesel dei blong seremaot magasin, we kongregesen i makemaot.
Singsing 7 mo laswan prea.