Miting Blong Kingdom Wok Blong Novemba
Wik We i Stat Long Novemba 4
Singsing 29
10 menet: Lokol mesej. Sam Advaes blong Kingdom Wok Blong Yumi. Tokbaot ripot blong wok blong prij long Ogis, long ful kantri mo long kongregesen blong yufala.
15 menet: “?Yu Yu Stap Tijim Trutok Blong God Long Stret Fasin Nomo?” Kwestin mo ansa. Talem sam poen we oli kamaot long “Ol Risen Blong Yusum Baebol” (“Reasons for considering the Bible”), long Reasoning buk, pej 58-60.
20 menet: “Hemia Laef Ya We i No Save Finis.” (Haf 1-5) Mekem wan sot fastok long haf 1, nao askem tu pablisa we tufala i naf, blong mekem pleplei long ol rod blong storeyan long haf 2-5. Makemgud we yumi wanwan i mas traehad blong statem wan nyufala Baebol stadi.
Singsing 128 mo laswan prea.
Wik We i Stat Long Novemba 11
Singsing 40
10 menet: Lokol mesej. Ripot blong ol kaon.
20 menet: ?From Wanem Yumi Mas Givim Samting Long Jeova? Tu elda oli storeyan tugeta blong soem ol stampa poen blong haf we i stap long pej 28-31 blong Wajtaoa blong Novemba 1, 1996. Sipos no, wan elda i save tokbaot blong ol poen ya long wan tok.
15 menet: “Hemia Laef Ya We i No Save Finis.” (Haf 6-8) Tokbaot from wanem i gud blong askem stret long man blong haos blong stadi. Askem sam pablisa we oli stap prij plante blong mekem pleplei long haf 6 mo 7. Askem long kongregesen blong talem olsem wanem oli bin statem wan stadi long fastaem we oli mitim man. Eksampel, wan man we pablisa i askem stret long hem blong stadi, i talem se: “Yes. Kam insaed. Mi mi laekem tumas blong stadi Baebol.” Pablisa i statem stadi wetem hem, mo long nekis wik, ful famle i joen long stadi. I no longtaem, ful famle ya i stap go long ol miting mo joen long wok blong prij. Talem long olgeta long kongregesen blong karem pepa we i stap long medel blong Kingdom Wok Blong Yumi blong Jun 1996, taem oli kam blong Miting Blong Kingdom Wok nekis wik.
Singsing 129 mo laswan prea.
Wik We i Stat Long Novemba 18
Singsing 140
10 menet: Lokol mesej. Ansa Long Wan Kwestin. Toktok wetem ol man.
15 menet: Lokol nid. Sipos no, givim tok ya: “Jeova i Stap Givhan Long Mi,” long Wajtaoa blong Novemba 15, 1993, pej 12 mo 17-22. Jusum ol haf we oli stret long nid blong kongregesen. Talem sam poen long saed blong “Fasin Blong No Fraet” (“Courage”), we i kamaot long Buk 1 blong Insight, pej 516.
20 menet: Lidim Ol Baebol Stadi Long Fasin We Oli Gohedgud. Elda we i lukaot long wok blong prij i givim tok ya. Yumi bin yusum Save buk long ol Baebol stadi blong bitim wan yia nao. Ating yumi stadi finis long fulwan buk wetem samfala, mo yumi stap kolosap long en blong buk wetem sam narafala. Yumi bin kasem advaes blong traehad blong lidim ol stadi long fasin we i givhan long ol nyuwan blong kasem save kwik long trutok, mekem i wok long laef blong olgeta, mo joen wetem kongregesen. Pepa we i stap long medel blong Kingdom Wok Blong Yumi blong Jun 1996, i bin givim sam gudfala advaes blong givhan long yumi blong kam ol gudfala tija. Tokbaot bakegen sam long ol samting ya we yumi save mekem blong gat gudhan blong tij, olsem haf 3-13 blong pepa ya i tokbaot. Nao, tokbaot olsem wanem yumi save halpem olgeta blong mekem wan disisen, olsem haf 14-22 i tokbaot. Ridim haf 15, 17, 20 mo 21. Tokbaot sam gudfala store blong prij, we oli soem olsem wanem sam pablisa long kongregesen oli bin kasem gudfala frut. Pulum plante moa blong joen long wok blong mekem Baebol stadi wetem narafala.
Singsing 85 mo laswan prea.
Wik We i Stat Long Novemba 25
Singsing 46
8 menet: Lokol mesej.
10 menet: “Yusum Telefon Blong Talemaot Gud Nyus.” Wan elda i givim tok ya. Jenisim haf ya smol blong mekem i joen wetem ples blong yufala. Yufala i save givim tu sam poen we oli givhan we yufala i save tekem long haf ya: “Prij Long Telefon—Wan Rod Blong Prij Long Plante Man.”
15 menet: “Yumi Gat Wan Wok Blong Mekem.” Kwestin mo ansa. Toktok smol long haf 13-16 blong Wajtaoa Janewari 1, 1988, pej 28 mo 29.
12 menet: Buk We Yumi Seremaot Long Desemba. Bambae yumi seremaot New World Translation wetem buk ya The Bible—God’s Word or Man’s? Yusum pej 327 kasem 331 blong buk ya “All Scripture” blong soem from wanem New World Translation i wan Baebol we i moagud: Hem i leftemap mo i talemaot nem blong God (haf 1-2); ol klia tok blong hem i mekem se i isi moa blong kasem save long ol vas (haf 6); hem i wan tul we i gat paoa taem yumi yusum long wok blong prij (haf 22 mo 23). Tokbaot mo mekem pleplei blong soem wan sot rod blong storeyan. Yusum sam tingting we oli stap long pej 189 blong buk ya The Bible—God’s Word or Man’s? Sipos man blong haos i soem intres, yumi mas putum wan stret taem blong visitim hem bakegen.
Singsing 180 mo laswan prea.