Miting Blong Kingdom Wok Long Desemba
Wik We i Stat Long Desemba 2
Singsing 134
10 menet: Lokol mesej. Jusum sam Advaes long Kingdom Wok Blong Yumi.
15 menet: “?Bambae Hu i Lesin Long Mesej Blong Yumi?” Kwestin mo ansa. Mo tokbaot sam poen long Wekap! (Engglis mo Franis) Maj 22, 1987, pej 5, we oli soem from wanem ol man oli save laekem mesej blong yumi.
20 menet: “Tok Blong God i Save Lidim Yumi.” (Haf 1-6) Fastaem tokbaot haf 1, 2. (Mo tu, tokbaot blong smoltaem Reasoning buk, pej 58-60 (51, 52), mo makem fo “Risen blong yusum Baebol.”) Askem long sam pablisa we oli naf, blong mekem sam pleplei long haf 3-6. Nao askem long kongregesen blong talemaot (1) olsem wanem ol kwestin we ol pablisa ya oli stanemap oli givhan blong pulum intres blong man, (2) olsem wanem ol vas we oli yusum, oli stret long samting we oli tokbaot, (3) olsem wanem visit bakegen we oli mekem, i joengud wetem fastaem we oli mitim man, mo (4) olsem wanem oli bin askem man blong mekem Baebol stadi.
Singsing 75 mo laswan prea.
Wik We i Stat Long Desemba 9
Singsing 100
10 menet: Lokol mesej. Ripot blong ol kaon.
15 menet: Givhan Long Ol Olfala Blong Joen Long Wok Blong Prij. Plante gudfala olfala pablisa oli wantem tumas blong joen long wok blong prij wetem kongregesen. Be oli no save mekem plante wok, from we oli olfala mo oli no moa strong long bodi. I gat sam rod we yumi save folem blong soem se yumi stap tingbaot olgeta, mo blong givhan long olgeta blong joen wetem grup blong ol pablisa we oli prij: Talem long olgeta se bambae yumi kam karem olgeta. Mekem plan blong oli prij long ol haos we oli no stap antap long ol hil, mo we oli no nid blong klaem plante lada. Putum trak i stap kolosap blong oli save spel long hem taem oli taed. Talem long olgeta se yu yu glad blong karem olgeta long ol visit blong olgeta. Talem long olgeta se bambae yu putum olgeta long haos taem oli no moa save gohed. Ol olfala oli gat bigfala tangkyu from help we yumi givim long olgeta. Talem sam narafala rod we yu stap yusum long ples blong yu, blong soem se yu tingbaot ol olfala. Tokbaot ol bigfala poen long haf ya “!Yumi Laekem Tumas Ol Olfala!” long Wajtaoa (Engglis mo Franis) Febuwari 1, 1986, pej 28 mo 29.
20 menet: “Tok Blong God i Save Lidim Yumi.” (Haf 7-9) Tokbaot “Yumi Nidim Advaes Blong Lidim Yumi” long Wajtaoa Mei 1, 1993, pej 3. Eksplenem from wanem ol storeyan blong yumi oli mas makem se i impoten blong lukaot help blong Hemia we i Hae Moa—God. Askem long wan pablisa blong mekem ol pleplei long haf 7 mo 8. Makemgud se yumi mas gat tingting blong statem wan Baebol stadi long Save buk.
Singsing 197 mo laswan prea.
Wik We i Stat Long Desemba 16
Singsing 209
10 menet: Lokol mesej. Talem sam advaes olsem wanem blong ansa long kaen fasin long ol man we oli talem “Hapi Krismas” mo “Bonane.” Talem ol spesel plan blong prij long Desemba 25.
15 menet: “Yumi Soem Se Yumi Glad Blong Wok.” Kwestin mo ansa. Talem sam poen blong Wajtaoa Mei 1 (Ogis 1 long Franis), 1984, pej 22.
20 menet: “Glad Tumas We God i Stap Mekem Ol Man Blong Hem Oli Kam Plante.” Wan elda i givim tok ya long fasin we i laef. Talem sam store no pruf we i soem se namba blong ol man long ol kantri we haf ya i tokbaot, i stap kam antap, olsem ol Yearbook long ol yia we oli jes pas, oli soem.
Singsing 41 mo laswan prea.
Wik We i Stat Long Desemba 23
Singsing 93
10 menet: Lokol mesej. Talem sam poen long ol nyufala Wajtaoa mo Wekap! we yumi save yusum long wok blong prij long wik we i kam. Talem ol spesel plan blong prij long Janewari 1.
15 menet: Lokol nid. Sipos no, wan elda i givim tok long “Ritae Long Wok—?Wan Doa We i Open Blong Mekem Moa Tiokratik Wok?” we i stap long Wajtaoa Julae 15, 1996, pej 24 mo 25.—Lukluk Insight, Buk 2, pej 794, haf 2 mo 3.
20 menet: “Joen Long Tiokratik Skul.” Elda we i lukaot long tiokratik skul i givim tok ya. Tokbaot namba we oli stap long tiokratik skul long kongregesen blong yufala, mo leftemap tingting blong ol narafala we oli naf blong joen. Tokbaot ol rul long saed blong ol tok long Tiokratik Skul, we oli stap long “Program Blong Tiokratik Skul Blong 1997.”
Singsing 166 mo laswan prea.
Wik We i Stat Long Desemba 30
Singsing 223
10 menet: Lokol mesej.
20 menet: “Help Long Stret Taem.” Kwestin mo ansa. Tokbaot sam bigfala poen long tu nyufala buk.
15 menet: Tokbaot Buk We Yumi Seremaot Long Janewari. Seremaot wan long ol buklet we oli gat 32 pej. Soem ol buklet we kongregesen i gat. Jusum tu no tri we oli stret long teritori blong yufala. Yusum Reasoning buk, pej 9-14, blong tokbaot smol ol fastok we oli stret long ol wanwan buklet ya. Mekem wan no tu pleplei blong soem ol rod blong seremaot olgeta.
Singsing 137 mo laswan prea.