Miting Blong Kingdom Wok Blong Febuwari

Wik We i Stat Long Febuwari 3

Singsing 27

10 menet: Lokol mesej. Jusum sam Advaes long Kingdom Wok Blong Yumi. Tiokratik Nyus.

15 menet: “Joen Long Wok We Neva Bambae Yumi Mekem Bakegen.” Kwestin mo ansa. Sipos i gat taem, tokbaot sam poen long “Stap Lukaotgud​—?Olsem Wanem?” long pej 714 mo 715 blong buk ya Proclaimers.

20 menet: “Talemaot Gud Nyus Wetem Tingting Se Hem i Impoten Tumas.” (Haf 1-5) Jeaman i toktok smol long haf 1, nao hem i storeyan wetem tu no tri pablisa long haf 2-5. Oli lukluk ol gudfala poen long ol rod blong storeyan we oli stap ya, mo oli tokbaot from wanem ol poen ya mo sam narafala rod blong storeyan oli save wokgud long teritori blong yufala. Ol pablisa ya wanwan oli mekem pleplei long ol rod blong storeyan ya. Jeaman i talem ol gudfala toktok long saed blong pleplei blong olgeta, mo i givim sam advaes blong mekem i kamgud moa. Nao hem i askem kongregesen blong talem sam rod we yumi save folem blong statem ol nyufala Baebol stadi. Hem i talem sam advaes olsem wanem yumi save mekem stadi blong yumi i go long Save buk biaen.

Singsing 34 mo laswan prea.

Wik We i Stat Long Febuwari 10

Singsing 29

5 menet: Lokol mesej. Ripot blong ol kaon.

10 menet: “Talemaot Gud Nyus Wetem Tingting Se Hem i Impoten Tumas.” (Haf 6-8) Mekem ol pleplei long haf 6 mo 7. Makem nid blong gobak bakegen long ol man we oli soem intres.

30 menet: “Yumi Nidim 40 Haftaem Paenia.” Elda we i lukaot long wok blong prij i mekem kwestin mo ansa. Tokbaot bokis long pej 3. Tokbaot ol program we oli olsem eksampel long pej 6. Olgeta pablisa we oli baptaes finis, oli mas tingtinggud mo prea, blong luk sipos oli naf blong haftaem paenia blong wan no bitim wan manis. Ol pablisa we oli no baptaes yet, oli save mekem moa long wok blong prij, taem oli putum wan stret namba blong haoa blong traem kasem long wan manis.

Singsing 43 mo laswan prea.

Wik We i Stat Long Febuwari 17

Singsing 30

10 menet: Lokol mesej. Talem sam gudfala poen blong tokbaot long ol nyufala magasin, we yumi save yusum long wok blong prij long wik we i kam.

13 menet: “!Memoriol​—Wan Miting We i Impoten Tumas!” Kwestin mo ansa. Leftemap tingting blong evriwan blong mekem manis Maj i wan spesel manis blong haftaem paenia. Talem long evriwan blong yusum ol pepa blong singaot ol man oli kam long Memoriol.

22 menet: Statem Ol Nyufala Baebol Stadi. Long ol manis we oli jes pas, yumi seremaot plante handred taosen buk. Hemia rod blong statem plante moa Baebol stadi. Talem hamas buk mo magasin we yufala i bin seremaot long ples blong yufala. Pulum ol pablisa blong gobak long ol man we oli soem intres. Askem long sam pablisa blong talem wanem samting oli bin mekem blong traehad blong statem ol nyufala Baebol stadi. Makemgud se wan impoten haf blong wok blong yumi i blong mekem ol disaepol. (Mat. 28:19, 20) Yumi save mekem samting ya, sipos yumi traehad blong folem ol advaes long pepa insaed long Kingdom Wok Blong Yumi long Jun 1996.

Singsing 47 mo laswan prea.

Wik We i Stat Long Febuwari 24

Singsing 32

18 menet: Lokol mesej. Talemaot nem blong olgeta we oli haftaem paenia long Maj. Eksplenem se i no let tumas blong fulumap pepa. Leftemap tingting blong evriwan blong joen fulwan long wok blong prij long Sarede, Maj 1. Talem ol narafala plan we yufala i stap mekem long kongregesen blong prij long manis Maj. Eksplenemgud Ansa Long Wan Kwestin.

12 menet: “?Olsem Wanem Long Ol Famle Blong Yu?” Wan hasban mo waef blong hem, tufala i toktok tugeta long haf ya, mo tufala i tokbaot olsem wanem tufala i save storeyan wetem ol famle blong tufala we oli no stap long trutok, blong serem gud nyus wetem olgeta.​—Lukluk Wajtaoa blong Febuwari 15, 1990, pej 25-27.

15 menet: Tokbaot Buk We Yumi Seremaot Long Maj​—⁠Save Blong Lidim Yu Long Laef We i No Save Finis. Tokbaot smol se i impoten tumas blong kasem stret save blong trutok, blong bambae yumi save kasem wan hapi laef blong olwe. (Lukluk Save buk pej 7, haf 4 mo 5.) Tokbaot ol japta blong buk ya long pej 3. Askem long kongregesen blong jusum sam japta we i gud blong storeyan long olgeta. Askem long wan pablisa we i nafgud, blong mekem pleplei olsem wanem blong seremaot buk ya. Maet hem i yusum ol rod blong storeyan we oli stap long Kingdom Wok Blong Yumi, Novemba 1996, pej 6. Talem long evriwan blong karem sam buk blong seremaot long wiken we i kam.

Singsing 48 mo laswan prea.