Miting Blong Kingdom Wok Blong Maj
Wik We i Stat Long Maj 3
Singsing 53
10 menet: Lokol mesej. Jusum sam Advaes long Kingdom Wok Blong Yumi. Leftemap tingting blong evriwan blong stat singaot ol man we oli intres, blong oli kam long Memoriol long Maj 23. Soem wan pepa blong singaot ol man, mo talem long evriwan blong karem sam pepa mo stat blong seremaot olgeta long wik we i kam.
15 menet: “!Yumi Neva Bin Haremgud Olsemia Long Saed Blong Speret!” Kwestin mo ansa. Askem long tu no tri pablisa, wetem wan yangfala, blong talemaot sam blesing we oli bin kasem. Long en blong haf ya, soem olsem wanem fasin tangkyu i save pusum yumi blong wok strong long tabu wok blong God.
20 menet: “Seremaot Buk Ya Save Blong Lidim Yu Long Laef We i No Save Finis.” (Haf 1-5) Toktok smol long haf 1, nao tokbaot olsem wanem yumi save pulum intres blong ol man taem yumi yusum nem blong ol japta, ol naesfala pija, mo ol kwestin blong tingtingbak, long Save buk. Askem long sam pablisa we oli nafgud blong mekem ol pleplei long haf 2-5. Leftemap tingting blong evriwan blong mekem wan spesel fasin traehad blong seremaot buk ya wetem ol famle blong olgeta we oli bin soem se oli intres.
Singsing 71 mo laswan prea.
Wik We i Stat Long Maj 10
Singsing 56
10 menet: Lokol mesej. Ripot blong ol kaon. Talem long evriwan blong no fogetem blong folem program blong Baebol riding bifo long Memoriol, hemia Maj 18-23, olsem buk ya Ridimgud Ol Tok Blong Baebol Evri Dei i soem.
20 menet: “Oltaem Yufala i Mas Stap Talem Tangkyu.” Kwestin mo ansa. Olgeta evriwan oli mas traehad bigwan blong singaot ol Baebol studen, olgeta we oli soem intres, ol famle we oli laekem trutok, mo ol brata mo sista we oli no moa joen oltaem wetem kongregesen, blong oli kam long Memoriol. Askem wan pablisa blong mekem wan sot pleplei, we hem i yusum pepa blong Memoriol blong singaot wan man i kam long Memoriol. Talem sam poen we oli kamaot long Wajtaoa (Engglis mo Franis), blong Julae 1, 1988, pej 11, haf 16 mo 17. Leftemap tingting blong evriwan we oli naf, blong joen long wok blong haftaem paenia long Epril mo Mei.
15 menet: “Seremaot Buk Ya Save Blong Lidim Yu Long Laef We i No Save Finis.” (Haf 6-10) Talem sam rod blong seremaot Save buk ya taem yumi tekem jans blong prij long wok, long skul, long ples blong spel, long sevis bas, mo taem yumi go luk ol famle blong yumi. Askem wan pablisa we i nafgud blong mekem ol pleplei long haf 6 mo 7. Storeyan blong yumi taem yumi mekem visit, i mas halpem ol man blong luksave olsem wanem wan Baebol stadi bambae i givhan blong mekem famle i joengud moa.
Singsing 72 mo laswan prea.
Wik We i Stat Long Maj 17
Singsing 63
10 menet: Lokol mesej. Tokbaot “Ol Samting Blong Tingbaot Long Saed Blong Memoriol,” mo talem ol plan blong Memoriol long kongregesen. Olgeta evriwan oli mas mekem ol laswan plan blong givhan long ol Baebol stadi mo ol man we oli intres, blong oli kam long Memoriol.
22 menet: “Mekem Tingting i Strong Blong Visitim Ol Man Bakegen.” (Haf 1-20) Kwestin mo ansa. Mekem wan sot pleplei long haf 16.
13 menet: Lokol nid. Sipos no, wan elda i givim tok long haf ya “?Yu Yu Rili Nidim Blong Talem Sore?” long Wajtaoa blong Septemba 15, 1996, pej 22-24.
Singsing 75 mo laswan prea.
Wik We i Stat Long Maj 24
Singsing 67
10 menet: Lokol mesej. Talem se i no let tumas blong fulumap pepa blong haftaem paenia long Epril. Tokbaot ol narafala plan we kongregesen i stap mekem long saed blong ol miting blong prij long manis we i kam.
20 menet: “Mekem Tingting i Strong Blong Visitim Ol Man Bakegen.” (Haf 21-35) Kwestin mo ansa. Tokbaot bokis long pej 3. Pulum evriwan blong makem evri visit we oli mekem, long ripot blong prij evri manis.
15 menet: Givhan Long Ol Nyufala Pablisa Blong Prij. Tokbaot haf 19 long pepa we i stap insaed long Kingdom Wok Blong Yumi blong Jun. Mekem pleplei blong soem olsem wanem wan pablisa we i nafgud i mekemrere tingting blong wan Baebol studen blong prij, taem ol elda oli talem se hem i save kam wan pablisa we i no baptaes yet. Tufala i storeyan tugeta long pej 111, haf 2, blong buk ya Minista Wok Blong Yumi. Pablisa ya we i bin prij longtaem finis i kam, i soem sam samting we oli save kamaot long wok blong prij long ol haos wanwan, mo i soem se hem i no mas letem tingting blong hem i foldaon taem bighaf blong ol man oli no wantem lesin. Hem i talem wan gudfala store blong prij we i soem olsem wanem yumi save kasem glad, taem yumi faenem wan man we i wantem lesin. Tufala i mekemrere wan sot, isi rod blong seremaot magasin, mo tufala i lanem tugeta. Pablisa i talem gudfala toktok blong leftemap tingting blong nyuwan, mo tufala i putum wan stret taem blong go long wok blong prij tugeta long wik we i kam.
Singsing 89 mo laswan prea.
Wik We i Stat Long Maj 31
Singsing 70
15 menet: Lokol mesej. Singaot ol man we oli intres long trutok, blong oli kam long spesel pablik tok long Epril 6. Talem long evriwan blong no fogetem blong putum ol ripot blong prij blong Maj. Talemaot nem blong olgeta we oli mekem haftaem paenia long Epril. Tokbaot Ansa Long Wan Kwestin.
15 menet: Yusumgud 1997 Yearbook of Jehovah’s Witnesses. Wan papa i toktok wetem famle blong hem long ol gudfala poen long pej 3-9. Hem i soem from wanem yumi save glad tumas taem yumi luk olsem wanem ol tiokratik wok oli gohedgud long olgeta ples blong wol. Papa i eksplenem se, long yia we i kam, oli save tekem sam menet evri dei long taem blong kakae, blong ridim wan smol haf blong Yearbook mo tokbaot vas blong dei.
15 menet: Tokbaot Buk We Yumi Seremaot Long Epril. Nyufala buklet ya ?Wanem Samting We God i Wantem Yumi Blong Mekem? i givim jans long yumi blong statem ol nyufala Baebol stadi. Yumi save talem nomo long man blong haos se, bambae yumi tokbaot faswan stadi long buklet ya. Mo tu, yumi save soem ol Wajtaoa mo Wekap! mo no fraet blong tokbaot sabskripsen long hem. Blong smoltaem, tokbaot olsem wanem blong mekemrere ol rod blong seremaot magasin, we oli stap long Kingdom Wok Blong Yumi, Oktoba 1996, pej 8, haf 3, 4, mo 8. Askem long tu pablisa blong mekem wan no tu sot pleplei long ol rod blong storeyan. Long faswan pleplei, oli save seremaot buklet. Ol pablisa oli mas raetemdaon olgeta man we oli karem ol magasin mo ademap nem blong olgeta long rod magasin blong olgeta.
Singsing 92 mo laswan prea.