Miting Blong Kingdom Wok Blong Novemba
Wik We i Stat Long Novemba 3
Singsing 48
10 menet: Lokol mesej. Sam Advaes long Kingdom Wok Blong Yumi. “Gud Nyus Long Intanet.” Tokbaot ripot blong Julae, long saed blong wok blong prij long ful kantri mo long kongregesen blong yufala. Talem ol spesel plan blong prij long Novemba 11.
15 menet: “Bigfala Doa i Open Blong Mekem Moa Wok.” Wan elda i givim tok ya, mo i askem sam kwestin tu. Pulum olgeta we oli naf, blong traehad blong mekem moa long wok blong prij. Fastaem, makem nid blong finisim olgeta teritori blong kongregesen. Sipos i stret long ples blong yufala, tokbaot advaes long Wajtaoa (Engglis mo Franis), Ogis 15, 1988, pej 22.
20 menet: “Gobak Long Ol Man We Oli Intres Long Kingdom Nyus.” Kwestin mo ansa. Mekem ol pleplei long haf 6. Long wan pleplei, soem olsem wanem blong statem Baebol stadi.
Singsing 144 mo laswan prea.
Wik We i Stat Long Novemba 10
Singsing 51
10 menet: Lokol mesej. Ripot blong ol kaon. Talem long kongregesen wanem teritori i stap yet blong seremaot Kingdom Nyus Namba 35 long hem. Pulum olgeta long kongregesen blong joen fulwan long laswan wik blong spesel wok ya.
15 menet: Lokol nid.
20 menet: “Givhan Long Ol Hasban No Waef We Oli No Stap Long Trutok.” Tu elda i storeyan olsem wanem tufala i save mitim moa hasban mo waef we oli no stap long trutok, mo traem savegud olgeta. Oli tokbaot advaes long Wajtaoa (Engglis mo Franis), Mei 15, 1989, pej 17, 18, haf 6-9. Tokbaot ol store long Wajtaoa, Oktoba 1, 1995, pej 10, 11, haf 11, 12.
Singsing 148 mo laswan prea.
Wik We i Stat Long Novemba 17
Singsing 53
10 menet: Lokol mesej. Talem sam gudfala store long saed blong wok blong seremaot Kingdom Nyus Namba 35.
20 menet: “!Tekem Spesel Jans Ya!” Wan tok we i stanap long Wajtaoa, Novemba 15, 1996, pej 21-23.
15 menet: “?Bambae Mi Talem Wanem?” Kwestin mo ansa. Ridim fas haf blong pej 8 blong Reasoning buk, mo eksplenem se buk ya i blong givhan long yumi blong givim wan gudfala wetnes long saed blong plante defren tijing blong Baebol. Mekem wan no tu pleplei we oli reregud, blong soemaot samting ya.
Singsing 151 mo laswan prea.
Wik We i Stat Long Novemba 24
Singsing 56
8 menet: Lokol mesej.
15 menet: Gudfala Fasin Long Buk Stadi. Yumi tangkyu long ol famle we oli welkamem yumi long haos blong olgeta blong mekem Buk Stadi. Maet oli mas yusum plante taem blong mekem evri samting i rere, mo ating i hadwok long olgeta. Taem yumi go long Buk Stadi, yumi mas soem gudfala fasin, respek, mo tingbaot narafala. Blong mekem olsem, yumi mas: (1) Waepem leg blong yumi bifo we yumi go insaed, blong yumi no mekem floa no mat i doti. (2) Ol papa mama oli mas lukaotgud long ol pikinini blong olgeta blong oli stap kwaet, mo blong oli no ronron olbaot afsaed long rum we yumi mekem buk stadi long hem. (3) Maet grup i smol nomo mo i olsem wan smol famle, be hemia wan miting blong kongregesen, mo yumi mas putum semkaen klos we yumi putum blong go long Haos Kingdom. (4) Yumi no mas stap longtaem tumas afta long miting, olsem nao, famle bambae i gat taem blong toktok tugeta, olgeta nomo. (5) Sam samtaem, maet famle ya we stadi i stap long haos blong olgeta oli wantem mekem ti afta long stadi, be yumi evriwan i mas save se hemia i no wan rul we oli mas folem.
22 menet: Mekem Ol Disaepol, Mo Tijim Olgeta. Elda i storeyan wetem tri no fo pablisa, mo i ansarem ol kwestin ya we oli stanap long buk ya Minista Wok Blong Yumi, pej 84-88: (1) ?From wanem i impoten blong mekem ol visit sipos yumi wantem karem frut long wok blong prij? ?Olsem wanem yumi save kasem mak we yumi naf blong mekem ol visit, nating se i hadwok long yumi? (2) ?From wanem i impoten tumas blong statem ol Baebol stadi? ?Olsem wanem yumi save gat gudhan blong lidim ol Baebol stadi? (3) ?From wanem i impoten blong lidim ol studen oli go long ogenaesesen? ?Olsem wanem blong mekem samting ya? Mo tu, grup ya i tokbaot olsem wanem advaes long pej long medel blong Kingdom Wok Blong Yumi, Jun 1996, Maj mo Epril 1997, i bin givhan long olgeta.
Singsing 160 mo laswan prea.