?Bambae Mi Talem Wanem?

Taem yumi mitim ol man we oli lesingud, yumi wantem gobak blong wetnes moa long olgeta. Be, maet yumi no savegud wanem bambae yumi talem, blong pulum olgeta blong storeyan. Maet yu traem samting ya: Stanemap wan gudfala kwestin, nao openem Reasoning buk blong soem ansa we Baebol i givim. I gud sipos yu gat wan lis blong ol kwestin, nao yu save jusum wan we yu ting se man ya i intres long hem. Lis we i stap daon, i kamaot long Reasoning buk, mo i soem pej we yumi save faenem ol ansa:

◼ ?From wanem yumi kam olfala mo yumi ded? (E. 98, F. 253)

◼ ?I gat sam gudfala risen blong bilif long God? (E. 145, F. 106)

◼ ?God i rili intres long samting we i hapen long ol man? (E. 147, F. 107)

◼ ?Man i mas go long heven blong gat wan gudfala fyuja? (E. 163, F 62)

◼ ?From wanem i impoten blong save prapa nem blong God mo blong yusum? (E. 196, F. 200)

◼ ?Kingdom blong God bambae i mekem wanem? (E. 227, F. 336)

◼ ?From wanem ol man oli laef? (E. 243, F. 434)

◼ ?From wanem i gat plante skul? (E. 322, F. 310)

◼ ?Olsem wanem blong save weswan skul i tru? (E. 328, F. 316)

◼ ?Setan i gat wanem paoa long wol ya tede? (E. 364, F. 368)

◼ ?From wanem God i letem ol man blong oli safa? (E. 393, F. 375)

◼ ?From wanem i gat ol nogud fasin oli stap? (E. 427, F. 237)

Yu save putum lis ya long Baebol no Reasoning buk blong yu, olsem nao, kwiktaem nomo yu save faenem wan kwestin blong yusum. Sipos yu rerem wan poen blong talemaot long ol man taem yu visitim olgeta bakegen, samting ya bambae i givhan long yu blong mekem wok ya blong gobak long olgeta man we oli intres.