Miting Blong Kingdom Wok Blong Janewari

Wik We i Stat Long Janewari 5

Singsing 10

8 menet: Lokol mesej. Sam Advaes long Kingdom Wok Blong Yumi.

17 menet: “Haremgud Blong Givim Wan Gudfala Wetnes.” Kwestin mo ansa. Tokbaot ol samting we oli impoten blong givim wan gudfala wetnes: (1) Talem halo wetem fasin fren, (2) tokbaot wan samting no stanemap wan kwestin we ol man oli intres long hem naoia, (3) talem wan vas blong Baebol we i stret long poen ya, mo (4) pulum man we i intres blong ridim buk. Askem wan pablisa we i nafgud, blong mekem tu pleplei we oli stap ya, wan blong soemaot fastaem we yumi storeyan wetem man, mo narawan blong soemaot visit.

20 menet: Rere Naoia Blong Obei Long Loa Blong God Long Saed Blong Blad. Wan elda we i nafgud, i tokbaot from wanem i impoten blong fulumap Kad blong Hospital. Tok we i kamaot long God long Ol Sam 19:7 i soem se loa blong God long saed blong blad long Ol Wok 15:28, 29, i stretgud olgeta. Ol man blong holemstrong long trufala wosip, oli traehad blong obei long loa ya. Kad ya i talemaot strong tingting blong yu blong obei long loa ya, mo i toktok long ples blong yu sipos yu yu sik tumas. (Skelem wetem Proveb 22:3.) Sipos yu fulumap wan nyufala kad, hemia i soemaot se disisen blong yu blong no tekem blad i stap sem mak yet. Afta long miting ya, ol Wetnes we oli baptaes finis, oli save kasem wan nyufala kad. Olgeta we oli gat ol smol pikinini we oli no baptaes yet, bambae oli kasem Aedentiti Kad blong ol wanwan pikinini. Yumi mas fulumap ol kad ya long stret rod. Ol elda, antap moa, olgeta we oli lidim ol buk stadi, bambae oli lukaot long wok ya blong meksua se ol brata mo sista oli saenem mo putum det long ol kad blong olgeta. Long rod ya, eniwan long grup blong olgeta we oli nidim blong yusum Kad ya blong Hospital, oli save kasem help long ol brata ya. Evriwan we oli no stap long taem ya blong fulumap mo saenem kad ya, mo we oli wantem wan, oli save luk brata blong lukaot long grup no wan elda, long nekiswan Miting Blong Kingdom Wok, gogo olgeta pablisa we oli baptaes oli fulumapgud kad blong olgeta. (Lukluk leta blong Novemba 15, 1991.) Ol pablisa we oli no baptaes yet oli save raetem prapa kad blong olgeta mo ol pikinini blong olgeta. Oli save yusum ol tok long kad ya, be jenisim lelebet blong mekem i laenap wetem laef mo bilif blong olgeta wanwan.

Singsing 142 mo laswan prea.

Wik We i Stat Long Janewari 12

Singsing 125

10 menet: Lokol Mesej. Ripot blong ol kaon.

15 menet: “Yusumgud Pepa Blong Talemaot Ol Miting.” Kwestin mo ansa. Tokbaot store long Wajtaoa blong Desemba 1, 1996, pej 13, haf 15.

20 menet: “Jeova i Givim Paoa We i Bigfala Tumas, i Bitim Paoa Blong Man.” Kwestin mo ansa. (Lukluk w90 7/15 19, haf 15,​16, Engglis mo Franis.) Mekem plan wetem samfala blong oli talemaot olsem wanem Jeova i bin givim paoa long olgeta.

Singsing 81 mo laswan prea.

Wik We i Stat Long Janewari 19

Singsing 1

10 menet: Lokol mesej.

15 menet: Lokol nid.

20 menet: Famle Stadi We i Givim Glad. Hasban mo waef i tokbaot nid blong famle blong tufala long saed blong speret. Tufala i wari se ol fasin blong wol oli stap spolem ol pikinini blong tufala. Tufala i luksave se oli mas givhan long ol pikinini blong kam strong moa long saed blong speret, be tufala i agri se oli mekem famle stadi sam samtaem nomo, mo tu, plante taem stadi ya i no tijimgud ol pikinini. Tufala i tokbaot ol advaes olsem wanem blong mekem famle stadi we i rili givhan long famle, long Wajtaoa blong Ogis 1, 1997, pej 26-29. Tufala tugeta i gat strong tingting blong traem mekem ol advaes ya i wok, mo lukaotgud long ol pikinini blong tufala long saed blong speret.

Singsing 146 mo laswan prea.

Wik We i Stat Long Janewari 26

Singsing 187

12 menet: Lokol mesej. Tokbaot buk we yumi seremaot long Febuwari. Talem wan no tu poen long Revelesen buk, we yumi save tokbaot taem yumi seremaot.

15 menet: “Soem Respek Long Haos Wosip Blong Jeova.” Kwestin mo ansa. Wan elda i mekem haf ya, mo long kaengud fasin, hem i save joenem ol poen wetem kongregesen.

18 menet: Putum Ripot Blong Prij Blong Soem Olsem Wanem Yumi Wanwan i Joen Long Wok Ya We i ­Gohed Long Fulwol. (Hemia i stanap long buk ya, Minista Wok Blong Yumi, pej 96-97, 101-​104.) Sekretari blong kongregesen i mekem wan tok mo askem sam kwestin. Fastaem, hem i save yusum tok blong Baebol blong ­sapotem fasin blong putum ripot blong prij, nao hem i singaot tu man blong givhan, we oli tokbaot haf ya, “Blong Wanem Yumi Putum Ripot Blong Prij.” Nao sekretari i makemgud se i impoten blong putum ripot blong prij kwiktaem, mo blong raetem ol stret save long hem. Hem i tokbaot from wanem i gud blong putum ol prapa mak we yumi wanwan i wantem ­kasem long wok blong prij, mo i finis wetem tok blong leftemap tingting, long saed blong ol blesing we olgeta we oli joen fulwan long wok blong prij, oli kasem.

Singsing 189 mo laswan prea.