Miting Blong Kingdom Wok Blong Maj
Wik We i Stat Long Maj 2
Singsing 3
8 menet: Lokol mesej. Jusum sam Advaes long Kingdom Wok Blong Yumi.
15 menet: “Stap Mekem Samting Ya Blong Tingbaot Mi Bakegen.” Elda i mekem tok ya. Blong smoltaem, tokbaot buk ya Minista Wok Blong Yumi, pej 76-77, mo makem se i impoten tumas blong kam long Memoriol.
22 menet: “Putum Hop Blong Laef We i No Save Finis Long Hat Blong Ol Narafala Man.” Kwestin mo ansa. Eksplenem smol olsem wanem blong yusum ol kwestin blong mekem wan storeyan i gohed. Givim eksampel blong ol kwestin we oli lidim man blong kasem save, mo ol kwestin blong pulum man blong talemaot tingting blong hem. (Lukluk School Guidebook, pej 51-52, haf 10-12.) Askem long wan pablisa we i nafgud, blong hem i mekem pleplei long wan rod blong storeyan mo wan visit we i stap ya. Hem i save soem olsem wanem blong statem wan Baebol stadi.
Singsing 88 mo laswan prea.
Wik We i Stat Long Maj 9
Singsing 60
8 menet: Lokol mesej. Ripot blong ol kaon.
15 menet: Kasem Ol Gudfala Samting Long 1998 Yearbook. Papa i tokbaot pej 3-6, 31, wetem famle blong hem, mo i makem sam bigfala tiokratik wok we oli bin kamaot long yia we i pas long olgeta ples blong wol. Tokbaot ol blesing we famle i save kasem sipos oli ridim mo tokbaot vas blong dei mo sam haf blong Yearbook long taem blong kakae, wetem strong tingting blong gohed blong mekem samting ya long ful yia.
22 menet: “?Bambae Yumi Mekem i Sem Mak Bakegen?” (Haf 1-11) Kwestin mo ansa. Tokbaot sam gudfala samting we oli kamaot long ol spesel manis blong haftaem paenia las yia, olsem 1998 Yearbook i talem. Talemaot namba blong ol haftaem paenia long kongregesen blong yufala long ol manis ya. Tokbaot ol gudfala samting we yumi wanwan i kasem long wok blong paenia, mo soem olsem wanem fasin traehad blong yumi i givhan long kongregesen blong gohed moa. Talem ol plan blong prij blong Epril mo Mei, we oli save givhan long moa pablisa blong oli joen long wok blong paenia. Afta long miting, ol pablisa oli save karem pepa blong fulumap.
Singsing 195 mo laswan prea.
Wik We i Stat Long Maj 16
Singsing 43
8 menet: Lokol mesej. Singaot ol man we oli intres, blong oli kam long spesel pablik tok long Maj 29. Nem blong tok ya, “?From Wanem Yu Save Trastem Baebol?”
15 menet: Lokol nid.
22 menet: “?Bambae Yumi Mekem i Sem Mak Bakegen?” (Haf 12-19) Kwestin mo ansa. Talem bakegen ol mak we yumi mas kasem blong kam paenia, folem tok blong buk ya Minista Wok Blong Yumi, pej 108. Tokbaot olsem wanem wok blong haftaem paenia i save mekem yumi rere blong joen long wok blong fultaem paenia. Askem long samfala we oli haftaem paenia blong talemaot plan we oli bin folem blong kasem 60 haoa. ?Weswan plan long Kingdom Wok ya i wokgud blong olgeta ya? Sipos i gat taem, talem sam store we oli kamaot long 1987 Yearbook, pej 48-49, 245-246. Pulum ol pablisa blong karem pepa blong fulumap afta long miting.
Singsing 224 mo laswan prea.
Wik We i Stat Long Maj 23
Singsing 94
10 menet: Lokol mesej. Leftemap tingting blong evriwan blong stat singaot ol man blong kam long Memoriol, long Epril 11. Soemaot pepa blong singaot ol man, mo talem long evriwan blong karem sam pepa blong yusum long wik ya. Talemaot nem blong ol haftaem paenia long Epril. Talem se i no let tumas blong fulumap pepa. Tokbaot ol miting blong prij we kongregesen i plan blong mekem long Epril.
20 menet: Rerem Ol Nyuwan Blong Joen Long Wok Blong Prij. Tok wetem sam kwestin mo ansa. Olgeta we oli mekem stadi wetem wan man long Save buk, oli mas tingbaot blong rerem studen ya blong joen long wok blong prij. Talem bakegen ol tok blong Save buk long pej 105-106, haf 14, mo pej 179, haf 20. Tokbaot ol save long Wajtaoa (Engglis mo Franis) Novemba 15, 1988, pej 16-17, haf 7-10, long wanem we ol nyuwan oli mas mekem blong kam ol pablisa we oli no baptaes yet. Tokbaot ol advaes long pepa we i stap long medel blong Kingdom Wok Blong Yumi, Jun 1996, haf 19, blong halpem ol nyufala pablisa we oli no baptaes yet blong stat long wok blong prij.
15 menet: Ansa Long Wan Kwestin. Kwestin mo ansa. Wan elda i tokbaot save long buk ya, Minista Wok Blong Yumi, pej 124, haf 1 mo 2.
Singsing 47 mo laswan prea.
Wik We i Stat Long Maj 30
Singsing 29
12 menet: Lokol mesej. Talem long evriwan blong putum ripot blong prij blong Maj. Soem ol nyufala magasin, mo talem sam haf we yumi save yusum blong seremaot ol magasin ya, wetem sam smol tok insaed long olgeta. Tokbaot “Ol Samting Blong Tingbaot Long Saed Blong Memoriol,” mo talem ol plan blong Memoriol. Evriwan i mas mekem ol laswan plan blong givhan long ol Baebol stadi mo ol narafala we oli intres, blong oli kam long Memoriol. Pulum evriwan blong folem Baebol riding blong Memoriol long Epril 6-11, olsem buk ya Ridimgud Ol Tok Blong Baebol Evri Dei i makemaot.
13 menet: “Ol Pikinini—!Yufala i Givim Bigfala Glad Long Mifala!” Kwestin mo ansa. Talemaot sam store we oli stap long Wajtaoa (Engglis mo Franis) Ogis 1, 1987, pej 25.
20 menet: Ol Rod Blong Winim Fasin Slak Long Saed Blong Speret. Tu elda oli storeyan long Wajtaoa (Engglis mo Franis) Janewari 15, 1986, pej 19. Tokbaot ol wanwan “Fasin We Oli Soemaot Se Yumi Slak,” mo yusum Baebol blong eksplenem olsem wanem stret “Samting Blong Halpem Yumi Blong Stanap Strong Longtaem” i save givhan. Nao askem long tu pablisa blong talem olsem wanem ol poen olsem oli bin givhan long tufala blong stap strong long saed blong speret.
Singsing 140 mo laswan prea.