Miting Blong Kingdom Wok Blong Septemba
Wik We i Stat Long Septemba 7
Singsing 28
10 menet: Lokol mesej. Sam advaes long Kingdom Wok Blong Yumi. Tiokratik nyus.
15 menet: “Yumi Save Mekem Plante Moa Wok.” Kwestin mo ansa. Leftemap tingting blong evriwan blong putum sam mak we oli naf blong kasem long nyufala sevis yia mo traehad blong kasem ol mak ya.—Lukluk buk ya, Ol Rul Blong Mekem Minista Wok, pej 110-112.
20 menet: “Ol Paenia Oli Givhan Long Ol Narafala.” Wan elda i eksplenem se, antap long trening we yumi kasem long Tiokratik Skul, i gat plan i stap se bambae ol paenia oli givhan long ol wanwan brata sista long wok blong prij. Hem i askem ol kwestin we oli laenap wetem haf ya mo i askem evriwan blong givim ansa, antap moa, ol paenia wetem olgeta we oli bin givhan long narafala long wok blong prij. Tingbaot olsem wanem blong kasem nambawan frut from fasin ya. Maet sam paenia oli save talemaot glad mo blesing we oli kasem taem oli givhan long narafala. Maet sam pablisa we oli bin kasem help long saed ya, oli save talemaot olsem wanem oli rili glad from help we narafala i givim wetem lav mo oli save talem sam poen we i givhan long olgeta blong kam moa gud mo blong haremgud long wok blong prij.
Singsing 172 mo laswan prea.
Wik We i Stat Long Septemba 14
Singsing 160
10 menet: Lokol mesej. Ripot blong ol kaon.
15 menet: “Wan Lesen Blong Soem Olsem Wanem Blong Winim Ol Problem”. Wan elda i givim tok ya we i leftemap tingting. Tok ya i stanap long Wajtaoa blong Febuwari 15, 1995, pej 27-30.
20 menet: ?Wok We Yumi Mekem Las Yia i Olsem Wanem? Sekretari wetem brata we i lukaot long wok blong prij, tufala i tokbaot ripot blong kongregesen long wok blong prij, mo namba blong ol man we oli kam long ol miting las yia. Tufala i tokbaot ol gudfala poen long ripot ya mo tu, ol poen we kongregesen i save wok moa long hem. ?Evri pablisa oli joen fulwan long wok blong prij long manis Ogis? Tokbaot ol mak we bambae ol elda oli lukluk moa long olgeta long ol manis we oli kam, olsem fasin blong halpem evriwan blong joen oltaem long wok blong prij. Jusum mo tokbaot sam poen long laswan ripot blong seket elda.
Singsing 144 mo laswan prea.
Wik We i Stat Long Septemba 21
Singsing 122
10 menet: Lokol mesej.
15 menet: Lokol nid.
20 menet: “Traem Savegud Ol Brata Mo Sista Blong Yu.” Kwestin mo Ansa. Yusum sam haf insaed long Wajtaoa blong Oktoba 1, 1988, pej 10-11. Leftemap tingting blong evriwan blong tekem faswan step blong savegud ol narafala.
Singsing 34 mo laswan prea.
Wik We i Stat Long Septemba 28
Singsing 17
12 menet: Lokol mesej. Talem long ol pablisa blong putum ripot blong prij blong manis Septemba. Leftemap tingting blong evriwan blong mekem plan blong gohed moa long wok blong prij long ol haos wanwan long manis Oktoba blong seremaot moa magasin. Yusum Kingdom Wok blong Oktoba 1996, pej 8, blong luk sam rod blong rerem ol fastok. Mekem wan pleplei blong soem olsem wanem blong seremaot ol laswan magasin. Soem ol defren magasin we kongregesen i save seremaot long wiken.
20 menet: “Olgeta We Oli Lidim Kongregesen—Elda We i Lukaot Long Wok Blong Prij.” Elda we i lukaot long wok blong prij i givim tok ya. Afta we hem i tokbaot ol wok blong hem, hem i eksplenem sam rod we kongregesen i save folem blong wok tugeta blong spenem moa taem long wok blong prij mo blong kam moa gud long wok ya long ples blong olgeta.
13 menet: ?Olsem Wanem Blong Kam Wan Gudfala Pablisa Blong Kongregesen? Tok we ol man we oli stap lesin oli joen long hem. Yumi no nidim bigfala save no spesel waes, be samting we yumi wantem moa, hemia tingting we yumi rere blong wok, we i soem lav, strong tingting blong wok, mo fasin tangkyu. Askem ol man blong talem risen from wanem yumi nidim ol fasin olsem: (1) glad, (2) go mo joen oltaem long ol miting, (3) rere blong akseptem mo mekem gud ol wok, (4) wok tugeta wetem ol elda mo folemgud ol plan blong kongregesen, (5) givhan long ol narafala wetem fulhat, (6) joen oltaem long wok blong prij mo putum ripot kwiktaem long en blong evri manis.
Singsing 25 mo laswan prea.