?Yumi Tokbaot Wanem Long Ol Magasin?

Wajtaoa Maj 1

“From we laef i had, plante man tede oli rere blong lego samting long saed blong spirit mo glad long famle, blong oli save kasem mane. Makemgud wanem we Baebol i talem long saed blong fasin ya. [Ridim Ol Proveb 14⁠:15 long pej 21.] ?Wanem mining blong tok ya? [Wet long ansa.] Haf ya we nem blong hem se ‘Tingting Blong Yufala i Mas Klia Gud,’ i eksplenem mining.”

Wekap! Epr./Jun (Bislama)

“Plante man oli bilif se Jisas hem i God. Be yumi makem se Pita, we i wan disaepol blong Jisas, i tokbaot Jisas se hem i Pikinini blong God. [Ridim Matiu 16⁠:16.] ?Yu yu ting se i stret sipos Jisas hem i God mo long sem taem hem i Pikinini blong God tu? [Letem man i ansa.] Haf ya long pej 8-9 i tokbaot kwestin ya, mo i givim tingting we Baebol i talem long saed ya.”

Wajtaoa Epr. 1

“Bighaf blong yumi i bin harem nogud samtaem from we wan famle no fren blong yumi i ded. ?Yu yu ting se promes ya i save leftemap tingting blong yumi long taem olsem? [Ridim Ol Wok 24⁠:15. Biaen, letem man i ansa.] Be plante man oli stap askem se: ?Hu bambae i laef bakegen? ?Wetaem bambae oli laef bakegen? ?Bambae oli laef bakegen long weples? Magasin ya i soemaot ansa we Baebol i givim long ol kwestin ya.”

Wekap! Epr./Jun (Bislama)

“Plante man oli traehad blong kasem glad, be i luk olsem se smol man nomo oli faenem. ?Yu yu ting se weswan long ol poen long lis ya i save givhan long ol man blong oli kasem glad long laef blong olgeta? [Soemaot bokis long pej 9. Biaen, ridim wan long ol vas we i stap.] Wekap! ya i tokbaot rod blong kasem trufala glad we Baebol i soemaot.”