Program Blong Tiokratik Skul Long Yia 2007

Rod Blong Mekem Skul Ya

Long yia 2007, bambae program blong Tiokratik Skul i olsem.

OL STAMBA BUK BLONG MEKEM OL TOK: New World Translation of the Holy Scriptures [bi12], Wajtaoa [w], Benefit From Theocratic Ministry School Education [be], “All Scripture Is Inspired of God and Beneficial” (we oli printim long 1990) [si], Reasoning From the Scriptures (we oli printim long 1989) [rs], mo Statem Wan Storian Long Baebol Mo Gohed Long Hem [hw].

Skul i mas stat long STRET TAEM wetem wan singsing, prea, mo smol toktok blong talem welkam long evriwan. Program i gohed folem ol haf daon. Biaen long wanwan tok, elda we i lukaot long skul bambae i talemaot nekiswan tok.

FASIN BLONG TOKTOK: 5 minit. Brata we i lukaot long skul, no namba tu brata blong givim advaes, no wan narafala elda, bambae i tokbaot wan fasin blong toktok we i stap long buk ya Ministry School. (Long ol kongregesen we i no gat plante elda, ol man blong givhan oli save mekem tok ya.)

TOK N. 1: 10 minit. Wan elda no man blong givhan i mas mekem tok ya we i stanap long Wajtaoa, Benefit From Theocratic Ministry School Education, no “All Scripture Is Inspired of God and Beneficial.” Hemia wan tok blong ten minit we i blong tijim man. Tok ya i no blong givimaot save nomo, be i blong givhan long ol man blong luk olsem wanem ol save ya i save wokgud long laef blong olgeta, taswe, brata i mas tokbaot ol poen we oli save givhan moa long kongregesen. Brata i mas yusum stamba tok we oli givim long hem. Brata we i mekem tok ya i mas meksua se hem i no bitim taem blong hem. Brata we i lukaot long skul i save givim advaes long hem sipos i gat nid, taem tufala nomo i stap.

OL BIGFALA POEN BLONG BAEBOL RIDING: 10 minit. Blong faef minit, wan elda no man blong givhan we i naf gud, bambae i tokbaot sam poen we oli stret long ples blong yumi. Hem i save yusum eni haf blong Baebol riding blong wik ya. Tok ya i no blong talem nomo ol samting we ol japta oli tokbaot. Bigfala samting i blong halpem olgeta long kongregesen blong luksave from wanem mo olsem wanem ol save ya i gud long olgeta. Brata i mas lukaot gud blong no bitim faef minit long fashaf ya. Nao long faef minit we i stap, hem i save askem long kongregesen blong oli givim sam sot ansa (wanwan ansa i no mas bitim 30 seken) blong tokbaot ol samting we oli laekem long Baebol riding mo olsem wanem samting ya i givhan long olgeta. Biaen long tok ya, brata we i lukaot long skul bambae i singaot ol studen we oli gat tok long ol narafala skul, blong oli go givim tok blong olgeta.

TOK N. 2: 4 minit. Wan brata bambae i mekem riding ya. Studen we i mekem riding ya, i no mas mekem wan fastok mo lastok, hem i mas ridim nomo. Brata we i lukaot long skul i mas wantem moa blong halpem ol studen blong rid long fasin we oli kasem save long wanem we oli ridim, oli rid klia mo stret, oli makem ol impoten poen mo jenisim tiun blong voes, oli spel long stret ples, mo oli rid long fasin we i olsem prapa toktok blong olgeta.

TOK N. 3: 5 minit. Wan sista bambae i mekem tok ya. Maet hem nomo i jusum fasin blong mekem tok ya, no maet brata we i lukaot long skul i jusum, folem lis we i stap long pej 82 blong buk ya Ministry School. Studen i mas yusum stamba tok we i stap long program, mo i mas mekem tok long wan fasin blong prij we i stret long ples blong yumi mo i save wok gud long teritori blong kongregesen. Taem program i no talem wanem buk we tok blong yu bambae i kamaot long hem, yu nomo yu mas lukaot save long ol buk blong slef we i stret mo waes. Ol niufala studen bambae oli no kasem tok ya, bambae oli mekem tok nomo we oli makem buk blong hem long program. Brata we i lukaot long skul bambae i intres bigwan long wei we studen i yusum save ya blong tijim narafala, mo olsem wanem hem i halpem narafala blong tingtinggud long Baebol mo kasem save long ol bigfala poen blong tok ya. Brata we i lukaot long skul bambae i jusum wan narafala sista tu blong i joen wetem sista we i mekem tok ya.

TOK N. 4: 5 minit. Studen i mas jusum ol save we i laenap wetem stamba tok long program. Taem program i no talem wanem buk we tok ya i stanap long hem, studen i mas mekem risej long ol buk blong slef we i stret mo waes, blong faenem save blong hem. Taem wan brata i mekem tok ya, hem i mas givim olsem wan tok we i go long kongregesen. Taem wan sista i mekem tok ya, hem i mas folem ol advaes blong Tok N. 3. Brata we i lukaot long skul i save givim Tok N. 4 long wan brata enitaem we hem i luk se i gat nid. Makemgud se brata nomo i mas mekem tok we i gat wan smol sta (*) klosap long hem.

ADVAES: 1 minit. Bambae elda we i lukaot long skul i no talemaot poen we studen i wok long hem bifo we studen i givim tok blong hem. Afta long tok N. 2, N. 3, N. 4, bambae elda we i lukaot long skul i talemaot sam gudfala samting long saed blong tok ya. Hemia i no blong talem nomo se “yu mekem wan gudfala tok,” be hem i mas talem from wanem tok ya i gud. Sipos studen i nidim advaes long wan poen, elda we i lukaot long skul i save givim advaes ya afta long miting no long wan narafala taem.

TAEM: Olgeta tok oli no mas bitim taem blong olgeta, elda tu we i givim advaes i no mas bitim taem blong hem. Elda we i lukaot long skul i mas stopem Tok N. 2 kasem N. 4 sipos oli bitim taem. Sipos brata we i mekem Fasin Blong Toktok, no Tok N. 1, no ol bigfala poen blong Baebol riding, i bitim taem blong hem, elda we i lukaot long skul i save luk hem biaen long miting, blong givim advaes long hem long saed ya. Evriwan oli mas luklukgud long taem blong olgeta. Tiokratik skul i no mas bitim 45 minit, hemia i no kaontem singsing mo prea.

PEPA BLONG ADVAES: Hemia i stap insaed long buk ya Ministry School.

BRATA WE I GIVHAN: Ol elda oli save jusum wan elda blong mekem wok blong namba tu brata blong givim advaes. Sipos i gat plante elda long kongregesen, evri yia oli save jenisim elda we i mekem wok ya. Wok blong hem se, afta long miting hem i save givim advaes long ol brata we oli mekem Tok N. 1 mo ol bigfala poen blong Baebol riding, sipos oli nidim advaes. Hem i no nidim blong givim advaes evritaem.

TINGTINGBAK: 30 minit. Evri tu manis, elda we i lukaot long skul bambae i askem ol kwestin blong tingtingbak. Bifo long tingtingbak ya, bambae i gat tufala tok ya long saed blong fasin blong toktok mo ol bigfala poen blong Baebol riding. Tingtingbak bambae i stanap long olgeta samting we yumi bin tokbaot long skul long tu manis we i pas, wetem wik ya we yumi mekem tingtingbak long hem. Sipos kongregesen i gat wan seket asembli long wik blong tingtingbak, bambae oli mekem tingtingbak ya (mo ol narafala haf blong program blong wik ya) long wik afta long asembli. Mo bambae oli seftem program blong wik biaen, i kam long wik blong seket asembli. Sipos seket elda i visitim kongregesen long wik blong tingtingbak, bambae oli mekem singsing, fasin blong toktok, mo ol bigfala poen blong Baebol riding olsem i stap long program. Brata we i mekem Tok N. 1 (afta long fasin blong toktok) i mas folem program blong wik we i kam biaen long spesel wik. Long Tiokratik Skul long wik afta long spesel wik, bambae oli mekem fasin blong toktok mo ol poen blong Baebol riding olsem i stap long program, nao biaen oli save mekem tingtingbak.

PROGRAM

Jen. 1 Baebol riding: Aesea 24-28 Singsing 33

Fasin Blong Toktok: Soem Olsem Wanem Blong Yusum Save (be pej 158 ¶2-4)

N. 1: ?Olsem Wanem Blong Rerem Ol Tok Blong Tiokratik Skul? (be pej 43 ¶1–pej 44 ¶3)

N. 2: Aesea 26:​1-18

N. 3: ?From Wanem i No Stret Blong Kilim Pikinini Long Bel? (rs F: pej 40 ¶1-pej 41 ¶3/I: pej 25 ¶1-pej 26 ¶4)

N. 4: ?Olsem Wanem Yumi Save ‘Tekem Masta Blong Yumi Jisas Kraes, Olsem Klos Blong Faet Blong Yumi’? (Rom 13:14)

Jen. 8 Baebol riding: Aesea 29-33 Singsing 42

Fasin Blong Toktok: Givhan Long Narafala Blong Kasem Klia Save (be pej 159 ¶1-4)

N. 1: Wan Tok We Yu Save Nomo Stamba Tok Mo Fasin Blong Prij We Bambae Yu Yusum (be pej 44 ¶4–pej 46 ¶2)

N. 2: Aesea 30:​1-14

N. 3: a Ansa Long Man We i Talem Se: ‘Mi Mi Gat Raet Blong Mekem Wanem We Mi Wantem Long Bodi Blong Mi’ (rs F: pej 41 ¶4/I: pej 26 ¶5)

N. 4: ?Olsem Wanem Yumi Save Se Jeova i Lavem Ol Pikinini?

Jen. 15 Baebol riding: Aesea 34-37 Singsing 222

Fasin Blong Toktok: Jusumgud Ol Wod (be pej 160 ¶1-3)

N. 1: Kasem Tingting Blong Jisas Long Saed Blong Wanem i Stret Mo Wanem i No Stret (w05 1/1 pej 9-10 ¶11-15)

N. 2: Aesea 34:​1-15

N. 3: ?Olsem Wanem Yumi Save Gat Trufala Lav?

N. 4: Adam mo Iv​—?Tufala i Rili Laef Long Taem Bifo? (rs F: pej 25 ¶1-pej 26 ¶5/I: pej 27 ¶1-pej 28 ¶5)

Jen. 22 Baebol riding: Aesea 38-42 Singsing 61

Fasin Blong Toktok: Yusum Ol Tok We i Isi Blong Kasem Save Long Hem (be pej 161 ¶1-4)

N. 1: No Letem Fasin Agens i Slakem Yumi (w05 1/1 pej 15 ¶16-18)

N. 2: Aesea 38:​9-22

N. 3: b Ansa Long Man We i Talem Se: ‘Hemia Plan Blong God Se Adam i Mekem Sin’ (rs F: pej 27 ¶1-2/I: pej 29 ¶1-2)

N. 4: ?From Wanem Yumi No Mas Jajem Narafala Se Nogud Tingting i Pusum Hem?

Jen. 29 Baebol riding: Aesea 43-46 Singsing 113

Fasin Blong Toktok: Meksua Se Ol Tok We Yumi Talem i Tru Mo Yusum Ol Defdefren Wod (be pej 161 ¶5–pej 162 ¶4)

N. 1: ?From Wanem Yumi Mas Agri Long Ol Desisen Blong Jeova? (w05 2/1 pej 23-24 ¶4-9)

N. 2: Aesea 45:​1-14

N. 3: ?From Wanem Fasin Blong Wosipim Ol Bubu We Oli Ded Finis i Blong Nating Nomo? (rs F: pej 81 ¶3-pej 83 ¶2/I: pej 29 ¶3-pej 31 ¶3)

N. 4: c ?From Wanem Wan Kristin i No Mas Skelem Hem Wetem Narafala Blong Traem Winim Narafala Ya?

Feb. 5 Baebol riding: Aesea 47-51 Singsing 79

Fasin Blong Toktok: Ol Tok We Oli Soem Aksin, Filing, Mo Oli Pulum Intres (be pej 163 ¶1–pej 164 ¶2)

N. 1: Tok Blong Jeova i Mekem Yumi Klin Mo i Givhan Long Yumi Blong Holemstrong Long Hem (w05 4/15 pej 11-12 ¶5-11)

N. 2: Aesea 50:​1-11

N. 3: ?From Wanem Jeova God i No Glad Long Fasin Blong Wosipim Ol Bubu We Oli Ded Finis? (rs F: pej 83 ¶3–pej 84 ¶1/I: pej 31 ¶4–pej 32 ¶1)

N. 4: ?Baebol i Agensem Fasin Ya Blong Givim Presen Long Narafala?

Feb. 12 Baebol riding: Aesea 52-57 Singsing 139

Fasin Blong Toktok: Tok Long Fasin We i Folem Ol Rul Blong Lanwis Blong Yumi (be pej 164 ¶3–pej 165 ¶1)

N. 1: Tok Blong Jeova i Mekem Tingting i Strong (w05 4/15 pej 12-13 ¶12-14)

N. 2: Aesea 55:​1-13

N. 3: I No Blong Nating Nomo We Yumi Lego Samting We Yumi Nomo i Wantem

N. 4: ?Hu Ya Antikraes? (rs F: pej 35 ¶1-pej 36 ¶4/I: pej 32 ¶2-pej 33 ¶9)

Feb. 19 Baebol riding: Aesea 58-62 Singsing 189

Fasin Blong Toktok: Yusum Wan Plan (be pej 166 ¶1–pej 167 ¶2)

N. 1: Aesea​—?Olsem Wanem i Save Givhan Long Yumi? (si pej 123 ¶34-39)

N. 2: Aesea 60:​1-14

N. 3: ?From Wanem Fasin Blong Stap Olsem Wan Slef Blong God i Wan Gudfala Samting?

N. 4: d Luksave Ol Man Blong Apostasi (rs F: pej 36 ¶5–pej 38 ¶2/I: pej 34 ¶1–pej 36 ¶1)

Feb. 26 Baebol riding: Aesea 63-66 Singsing 141

Fasin Blong Toktok: Putum Ol Samting Long Stret Oda Long Tingting Blong Yu (be pej 167 ¶3–pej 168 ¶2)

Tingtingbak

Maj 5 Baebol riding: Jeremaea 1-4 Singsing 70

Fasin Blong Toktok: Meksua Se Plan Blong Tok Blong Yu i Isi Nomo (be pej 168 ¶3–pej 169 ¶5)

N. 1: Fastok blong Jeremaea (si pej 124 ¶1-5)

N. 2: Jeremaea 3:​1-13

N. 3: ?Trufala Glad i Stanap Long Wanem?

N. 4: e ?Yumi Mas Gat Wanem Tingting Long Ol Man Blong Apostasi? (rs F: pej 38 ¶3–pej 39 ¶5/I: pej 36 ¶2–pej 37 ¶2)

Maj 12 Baebol riding: Jeremaea 5-7 Singsing 159

Fasin Blong Toktok: Putum Ol Poen Long Stret Oda Blong Oli Kliagud (be pej 170 ¶1–pej 171 ¶2)

N. 1: ?Olsem Wanem Blong Rerem Ol Tok Blong Oli Save Givhan Long Kongregesen? (be pej 47 ¶1–pej 49 ¶1)

N. 2: Jeremaea 5:​1-14

N. 3: Kraes i No Bildimap Jos Long Pita (rs: F: pej 387 ¶1–pej 388 ¶4/I: pej 37 ¶3–pej 39 ¶3)

N. 4: ?Olsem Wanem Yumi Save Mekem Samting We Yumi Lanem Long Eksodas 14:11 i Wok Long Taem Blong Yumi?

Maj 19 Baebol riding: Jeremaea 8-11 Singsing 182

Fasin Blong Toktok: Eksplenem Ol Save Long Fasin We i Klia Nomo (be pej 171 ¶3–pej 172 ¶5)

N. 1: Rerem Ol Tok Long Miting Blong Kingdom Wok Mo Ol Narafala Tok (be pej 49 ¶2–pej 51 ¶2)

N. 2: Jeremaea 10:​1-16

N. 3: ?Olsem Wanem Yumi Save Se Ebraham, Job, Mo Daniel, Trifala i Bilif Long Laef Bakegen?

N. 4: ?Wanem Ol Ki We Pita i Yusum? (rs F: pej 388 ¶5–pej 391 ¶2/I: pej 39 ¶4–pej 41 ¶5)

Maj 26 Baebol riding: Jeremaea 12-16 Singsing 205

Fasin Blong Toktok: Yusum Ol Save Nomo We i Stret Long Stamba Tok Blong Yu (be pej 173 ¶1-4)

N. 1: Ransom i Soemaot Stret Fasin Blong God (w05 11/1 pej 13-14)

N. 2: Jeremaea 12:​1-13

N. 3: Ol Man We Oli Talem Se Oli “Tekem Ples Blong Ol Aposol” Oli No Ol Trufala Kristin (rs F: pej 391 ¶3–pej 393 ¶6/I: pej 42 ¶1–pej 44 ¶3)

N. 4: ?Ol Kristin Oli Save Praod Long Wanem Samting?

Epr. 2 Baebol riding: Jeremaea 17-21 Singsing 30

Fasin Blong Toktok: Yusum Ol Prapa Toktok Blong Yu (be pej 174 ¶1–pej 175 ¶4)

N. 1: Rerem Ol Pablik Tok (be pej 52 ¶1–pej 54 ¶1)

N. 2: Jeremaea 20:​1-13

N. 3: ?Faet Blong Amagedon Bambae i Hapen Long Weples? (rs F: pej 182 ¶1–pej 183 ¶4/I: pej 44 ¶4–pej 46 ¶3)

N. 4: f ?Yumi Mas Tingting Olsem Wanem Long Ol Advaes We Yumi Kasem?

Epr. 9 Baebol riding: Jeremaea 22-24 Singsing 184

Fasin Blong Toktok: Lukaot Long Ol Trap Taem Yumi Yusum Prapa Toktok Blong Yumi (be pej 175 ¶5–pej 177 ¶1)

N. 1: Ol Disisen We Man Blong Givim Tok i Mas Mekem (be pej 54 ¶2-4; pej 55, bokis)

N. 2: Jeremaea 23:​1-14

N. 3: ?From Wanem Yumi Glad Taem Yumi Joen Long Wok Blong Prij?

N. 4: ?Hu Mo Wanem Bambae i Lus Long Amagedon? (rs F: pej 183 ¶5–pej 184 ¶3/I: pej 46 ¶4–pej 47 ¶2)

Epr. 16 Baebol riding: Jeremaea 25-28 Singsing 27

Fasin Blong Toktok: Taem Man i Wantem Se Yumi Eksplenem Samting (be pej 177 ¶2–pej 178 ¶2)

N. 1: Kamgud Moa Blong Tijim Ol Man (be pej 56 ¶1–pej 57 ¶2)

N. 2: Jeremaea 26:​1-15

N. 3: ?Hu Bambae i Sef Long Amagedon? (rs F: pej 184 ¶4-9/I: pej 47 ¶3-8)

N. 4: ?Olsem Wanem God i Spolem Graon Ya, i Mekem i Kam Nogud? (Jen. 3:17)

Epr. 23 Baebol riding: Jeremaea 29-31 Singsing 148

Fasin Blong Toktok: Toktok Olsem We Yu Storian Nomo (be pej 179-180)

N. 1: Tokbaot Tu Samting We “Wan i Defren Olgeta Long Narawan” (be pej 57 ¶3–pej 58 ¶2)

N. 2: Jeremaea 31:​1-14

N. 3: ?From Wanem Paoa Blong Jeova i Bigwan Tumas, i No Gat Mak Blong Hem?

N. 4: Amagedon i No Go Agensem Lav Blong God (rs F: pej 185 ¶1-3/I: pej 48 ¶1-3)

Epr. 30 Baebol riding: Jeremaea 32-34 Singsing 100

Fasin Blong Toktok: Gudfala Voes (be pej 181 ¶1-4)

Tingtingbak

Mei 7 Baebol riding: Jeremaea 35-38 Singsing 165

Fasin Blong Toktok: Pulumgud Win (be pej 181 ¶5–pej 184 ¶1; pej 182, bokis)

N. 1: Pulum Ol Man Blong Oli Tingting (be pej 58 ¶3–pej 59 ¶3)

N. 2: Jeremaea 36:​1-13

N. 3: I No Gat Man We i Save Stap Long Tufala Saed Wantaem Long Amagedon (rs F: pej 185 ¶4-7/I: pej 48 ¶4-7)

N. 4: ?Olsem Wanem Wan Kristin i Save Winim Filing Blong No Sua Long Sam Samting?

Mei 14 Baebol riding: Jeremaea 39-43 Singsing 56

Fasin Blong Toktok: Slakem Ol Masel (be pej 184 ¶2–pej 185 ¶3; pej 184, bokis)

N. 1: Soem Olsem Wanem Blong Yusum Save Long Tok Blong Yu, Mo Givim Gudfala Eksampol (be pej 60 ¶1–pej 61 ¶3)

N. 2: Jeremaea 39:​1-14

N. 3: ?Hu i Stap Pulum Ol Neson Oli Go Long Faet Blong Amagedon? (rs F: pej 186 ¶1-2/I: pej 48 ¶8–pej 49 ¶1)

N. 4: g ?From Wanem Ol Kristin Boe Mo Gel We Oli Stap Fren Tugeta Blong Mared, Oli Holem Klin Fasin?

Mei 21 Baebol riding: Jeremaea 44-48 Singsing 122

Fasin Blong Toktok: Soem Intres Long Narafala (be pej 186 ¶1-4)

N. 1: Kamgud Moa Long Fasin Blong Storian (be pej 62 ¶1–pej 64 ¶1)

N. 2: Jeremaea 46:​1-17

N. 3: ?I Minim Wanem Blong Giaman Long Yumi Wan Bakegen, Mo Olsem Wanem Yumi Save Blokem Fasin Ya?

N. 4: ?Wanem Mining Blong Babilon We Revelesen i Tokbaot? (rs F: pej 42 ¶1-2/I: pej 49 ¶2-3)

Mei 28 Baebol riding: Jeremaea 49-50 Singsing 95

Fasin Blong Toktok: Lesingud (be pej 187 ¶1-5)

N. 1: ?Taem Yu Statem Wan Storian, Olsem Wanem Blong Gohed Long Hem? (be pej 64 ¶2–pej 65 ¶4)

N. 2: Jeremaea 49:​14-27

N. 3: ?Wanem Ol Samting We Oli Makemaot Babilon Blong Bifo? (rs F: pej 42 ¶3–pej 44 ¶5/I: pej 50 ¶1–pej 51 ¶5)

N. 4: ?From Wanem Papa Mama i Mas Rid Long Pikinini Blong Olgeta?

Jun 4 Baebol riding: Jeremaea 51-52 Singsing 166

Fasin Blong Toktok: Givhan Long Narafala Blong Gohed Moa (be pej 187 ¶6–pej 188 ¶3)

N. 1: Jeremaea​—?Olsem Wanem i Givhan Long Yumi? (si pej 129 ¶36-39)

N. 2: Jeremaea 52:​1-16

N. 3: I Krangke Blong Seraot Long God Mo Bos Long Yumi Wan

N. 4: ?From Wanem Ol Skul We Oli Talem Se Oli Kristin Oli Haf Blong Bigfala Babilon? (rs F: pej 45 ¶1–pej 46 ¶1/I: pej 52 ¶1–pej 53 ¶1)

Jun 11 Baebol riding: Ol Krae 1-2 Singsing 129

Fasin Blong Toktok: Mekem Samting Blong Halpem Narafala (be pej 188 ¶4–pej 189 ¶4)

N. 1: Fastok Blong Ol Krae (si pej 130-131 ¶1-7)

N. 2: Ol Krae 2:​1-10

N. 3: ?From Wanem Man i Mas Hareap Blong Kamaot Long Bigfala Babilon? (rs F: pej 46 ¶2-7/I: pej 53 ¶2-7)

N. 4: ?From Wanem Man We i Rili Kaen i No Wan Slak Man?

Jun 18 Baebol riding: Ol Krae 3-5 Singsing 140

Fasin Blong Toktok: Soem Respek Long Ol Narafala (be pej 190 ¶1-4)

N. 1: Ol Krae​—?Olsem Wanem i Save Givhan Long Yumi? (si pej 132 ¶13-15)

N. 2: Ol Krae 4:​1-13

N. 3: ?Wanem Mining Blong Baptaes, Mo From Wanem Ol Man We Oli Bilif Long Trutok Oli Tekem Baptaes? (rs F: pej 47 ¶1-4/I: pej 54 ¶1-4)

N. 4: h ?From Wanem Ol Trufala Kristin Oli No Joen Long Politik?

Jun 25 Baebol riding: Esikel 1-5 Singsing 1

Fasin Blong Toktok: Soem Respek (be pej 191 ¶1–pej 192 ¶1)

Tingtingbak

Julae 2 Baebol riding: Esikel 6-10 Singsing 26

Fasin Blong Toktok: Eksplenem Samting Long Fasin We i Soem Respek (be pej 192 ¶2–pej 193 ¶2)

N. 1: Fastok Blong Esikel (si pej 132-133 ¶1-6)

N. 2: Esikel 7:​1-13

N. 3: ?Yu Mas Mekem Wanem Blong Kam Klosap Long Jeova? (Jem. 4:8)

N. 4: Baptaes Blong Ol Kristin i No Blong Saksakem Wota Long Hed Nomo, Mo i No Blong Ol Bebi (rs F: pej 47 ¶5–pej 48 ¶2/I: pej 54 ¶5–pej 55 ¶4)

Julae 9 Baebol riding: Esikel 11-14 Singsing 112

Fasin Blong Toktok: Toktok Wetem Bilif (be pej 194 ¶1–pej 195 ¶2)

N. 1: No Kam Slak Blong Mekem Ol Gudfala Fasin (w05 6/1 pej 29-30)

N. 2: Esikel 11:​1-13

N. 3: ?Baptaes Long Wota i Wasemaot Ol Sin? (rs F: pej 48 ¶3-6/I: pej 55 ¶5–pej 56 ¶1)

N. 4: ?Wanem Mining Blong Revelesen 17:​9-11?

Julae 16 Baebol riding: Esikel 15-17 Singsing 29

Fasin Blong Toktok: ?Olsem Wanem Yumi Soemaot Bilif Long Ol Toktok Blong Yumi? (be pej 195 ¶3–pej 196 ¶4)

N. 1: !Sakemaot Ol Rong Tingting! (w05 9/15 pej 26-28)

N. 2: Esikel 16:​1-13

N. 3: ?Taem Man i Gat Hed, Hemia i Minim Wanem? (Prov. 13:16)

N. 4: ?Hu i Baptaes Wetem Tabu Spirit? (rs F: pej 48 ¶7–pej 50 ¶1/I: pej 56 ¶2–pej 57 ¶3)

Julae 23 Baebol riding: Esikel 18-20 Singsing 193

Fasin Blong Toktok: Talem Stret Be Long Kaen Fasin (be pej 197 ¶1-3)

N. 1: Kasem Save Long Tingting Blong Man We i Askem Kwestin (be pej 66 ¶1–pej 68 ¶1)

N. 2: Esikel 18:​19-29

N. 3: Baptaes Wetem Faea i No Sem Mak Long Baptaes Long Tabu Spirit (rs F: pej 50 ¶2-6/I: pej 57 ¶4–pej 58 ¶2)

N. 4: Pruf We i Soemaot Se Kingdom Blong God i Stap Rul Finis

Julae 30 Baebol riding: Esikel 21-23 Singsing 35

Fasin Blong Toktok: Tok Long Kaen Fasin Long Wok Blong Prij (be pej 197 ¶4–pej 198 ¶5)

N. 1: Savegud Olsem Wanem Blong Ansa (be pej 68 ¶2–pej 70 ¶3)

N. 2: Esikel 23:​1-17

N. 3: Sam Risen From Wanem i Gud Blong Stadi Baebol (rs F: pej 51 ¶1–pej 52 ¶5/I: pej 58 ¶3–pej 60 ¶2)

N. 4: ?Wanem Nao Stret Tingting Long Saed Blong Haenem?

Ogis 6 Baebol riding: Esikel 24-27 Singsing 37

Fasin Blong Toktok: Talem Ol Stret Tok Long Stret Taem (be pej 199 ¶1-4)

N. 1: Raetem Leta Blong Toktok Long Narafala (be pej 71-73)

N. 2: Esikel 24:​1-14

N. 3: ?Olsem Wanem Moses i Wan Nambawan Eksampol Blong Ol Kristin?

N. 4: ?Olsem Wanem Aesea Mo Jeremaea i Pruvum Se Baebol i Kamaot Long God? (rs F: pej 53 ¶1–pej 54 ¶2/I: pej 60 ¶3–pej 61 ¶3)

Ogis 13 Baebol riding: Esikel 28-31 Singsing 123

Fasin Blong Toktok: Toktok Long Kaen Fasin Wetem Famle Mo Ol Narafala (be pej 200 ¶1-4)

N. 1: Yu No Mas Stap Sem Mak Nomo​—Yu Mas Gohed (be pej 74 ¶1–pej 75 ¶3)

N. 2: Esikel 28:​1-16

N. 3: Ol Profet Tok Blong Jisas We Oli Kamtru Oli Pruvum Se Baebol i Kamaot Long Paoa Blong Tabu Spirit (rs F: pej 54 ¶3-4/I: pej 61 ¶4–pej 62 ¶1)

N. 4: ?Long Baebol Wanem Mining Blong Tok Ya “No Laekem Nating”?

Ogis 20 Baebol riding: Esikel 32-34 Singsing 215

Fasin Blong Toktok: Tokbaot Ol Gudfala Samting We i Leftemap Tingting (be pej 202 ¶1–pej 203 ¶2)

N. 1: Yusum Presen We God i Givim Long Yu (be pej 75 ¶4–pej 77 ¶2)

N. 2: Esikel 34:​1-14

N. 3: ?Tabu Spirit Blong God i Stap Givhan Long Yumi Olsem Wanem?

N. 4: Save Blong Ol Saentis i Laenap Wetem Baebol (rs F: pej 55 ¶1–pej 57 ¶2/I: pej 62 ¶2–pej 64 ¶3)

Ogis 27 Baebol riding: Esikel 35-38 Singsing 94

Fasin Blong Toktok: Yusum Ol Gudfala Tok, i No Tok We i Daonem Tingting Blong Narafala (be pej 203 ¶3–pej 204 ¶1)

Tingtingbak

Sept. 3 Baebol riding: Esikel 39-41 Singsing 194

Fasin Blong Toktok: Taem Yumi Storian Wetem Ol Kristin Brata Sista Blong Yumi (be pej 204 ¶2–pej 205 ¶4)

N. 1: ?From Wanem Yumi Mas Laekem Tumas Tok Blong God? (w05 4/15 pej 15-16 ¶3-6)

N. 2: Esikel 40:​1-15

N. 3: ?I Tru Se Yumi Ol Man Yumi Rili Save Mekem God i Glad?

N. 4: i Ansa Long Ol Tok We Man i Talem Agensem Baebol (rs F: pej 57 ¶3–pej 60 ¶3/I: pej 64 ¶4–pej 68 ¶1)

Sept. 10 Baebol riding: Esikel 42-45 Singsing 77

Fasin Blong Toktok: Blong Makem Wan Poen, Talem Bakegen Mo Bakegen (be pej 206 ¶1-4)

N. 1: Taem Waet Hea i Kam Olsem ‘Wan Hat Blong King Blong Flasem Hed Blong Man’ (w05 1/15 pej 8-9)

N. 2: Esikel 43:​1-12

N. 3: ?From Wanem Ol Kristin Oli No Joen Long Lafet Blong Betde? (rs F: pej 32 ¶3–pej 34 ¶2/I: pej 68 ¶2–pej 70 ¶2)

N. 4: j ?Olsem Wanem Blong Save “Voes Blong Ol Strenja”? (Jon 10:​5, NW )

Sept. 17 Baebol riding: Esikel 46-48 Singsing 164

Fasin Blong Toktok: Long Ol Tok Mo Long Wok Blong Prij, Talem Bakegen Ol Bigfala Poen (be pej 207 ¶1–pej 208 ¶4)

N. 1: Esikel​—?Olsem Wanem i Save Givhan Long Yumi? (si pej 137 ¶29-33)

N. 2: Esikel 47:​1-14

N. 3: ?From Wanem Ol Kristin Oli No Kakae Blad? (rs F: pej 359 ¶1–pej 360 ¶4/I: pej 70 ¶3–pej 72 ¶3)

N. 4: k ?From Wanem Ol Samting Long Saed Blong Spirit i Beswan Presen We Papa Mama i Save Givim Long Pikinini?

Sept. 24 Baebol riding: Daniel 1-3 Singsing 179

Fasin Blong Toktok: Ol Poen Long Tok Oli Soemaot Gud Stamba Tok (be pej 209 ¶1-3)

N. 1: Fastok Blong Daniel (si pej 138-139 ¶1-6)

N. 2: Daniel 2:​1-16

N. 3: ?From Wanem Namba Ya 144,000 i No Wan Pijatok Nomo? (Rev. 7:4)

N. 4: ?From Wanem Ol Kristin Oli No Letem Dokta i Givim Blad Long Olgeta? (rs F: pej 360 ¶5–pej 362 ¶1/I: pej 72 ¶4–pej 73 ¶4)

Okt. 1 Baebol riding: Daniel 4-6 Singsing 14

Fasin Blong Toktok: Jusum Wan Stamba Tok We i Stret Long Ol Save Long Tok Blong Yu (be pej 210 ¶1–pej 211 ¶1; pej 211, bokis)

N. 1: ?Wetaem i Stret Blong Kam Kros? (w05 8/1 pej 13-15)

N. 2: Daniel 4:​1-17

N. 3: ?Olsem Wanem Yumi Save Folem Ol Gudfala Fasin Blong Mefiboset?

N. 4: l Ansa Long Ol Tok Agens We Man i Talem Long Saed Blong Blad (rs F: pej 362 ¶2–pej 364 ¶2/I: pej 74 ¶1–pej 76 ¶2)

Okt. 8 Baebol riding: Daniel 7-9 Singsing 34

Fasin Blong Toktok: Makemgud Ol Bigfala Poen (be pej 212 ¶1–pej 213 ¶1)

N. 1: Letem “Tok” Blong Jeova i Protektem Yu (w05 9/1 pej 28-31)

N. 2: Daniel 7:​1-12

N. 3: ?Bon Bakegen i Minim Wanem? (hw pej 16 ¶1–pej 18 ¶2)

N. 4: ?Wanem Ol Blesing We Yumi Kasem Taem Yumi Joen Long Wok Blong Prij Oltaem?

Okt. 15 Baebol riding: Daniel 10-12 Singsing 210

Fasin Blong Toktok: I Nogud Blong Yusum Plante Tumas Bigfala Poen (be pej 213 ¶2–pej 214 ¶5)

N. 1: Daniel​—?Olsem Wanem i Save Givhan Long Yumi? (si pej 141-142 ¶19-23)

N. 2: Daniel 11:​1-14

N. 3: ?Olsem Wanem Tingting Daon i Save Givhan Long Yumi Blong Blokem Ol Rao?

N. 4: Blong God i Sevem Yumi, i No Nid Blong Yumi “Bon Bakegen” (hw pej 18 ¶3–pej 19 ¶4)

Okt. 22 Baebol riding: Hosea 1-7 Singsing 66

Fasin Blong Toktok: Fastok We i Pulum Tingting Blong Ol Man (be pej 215 ¶1–pej 216 ¶5)

N. 1: Fastok Blong Hosea Mo Olsem Wanem i Save Givhan Long Yumi (si pej 143-145 ¶1-8, 14-17)

N. 2: Hosea 5:​1-15

N. 3: a Ansa Long Ol Tok We Man i Talem Long Saed Blong Bon Bakegen (hw pej 19 ¶5–pej 20 ¶4)

N. 4: Ol Rod Blong Soemaot Longfala Tingting

Okt. 29 Baebol riding: Hosea 8-14 Singsing 59

Fasin Blong Toktok: Pulum Man We Yumi Prij Long Hem Blong i Lesin (be pej 217 ¶1-4)

Tingtingbak

Nov. 5 Baebol riding: Joel 1-3 Singsing 166

Fasin Blong Toktok: Long Fastok, Mekem Stamba Tok Blong Yu i Klia (be pej 217 ¶5–pej 219 ¶3)

N. 1: Fastok Blong Joel Mo Olsem Wanem i Save Givhan Long Yumi (si pej 146-148 ¶1-5, 12-14)

N. 2: Joel 2:​1-14

N. 3: ?I Minim Wanem Blong Gat “Lav We i Stret Gud Olgeta”? (1 Jon 4:​18, NW )

N. 4: Talemaot Sin Blong Yumi Long Pris​—?From Wanem Fasin Ya i No Laenap Wetem Baebol? (rs F: pej 68 ¶5–pej 69 ¶9/I: pej 80 ¶3–pej 81 ¶9)

Nov. 12 Baebol riding: Amos 1-9 Singsing 211

Fasin Blong Toktok: Ol Gudfala Lastok (be pej 220 ¶1-3)

N. 1: Fastok Blong Amos Mo Olsem Wanem i Save Givhan Long Yumi (si pej 148-150 ¶1-6, 13-17)

N. 2: Amos 2:​1-16

N. 3: ?From Wanem i Nogud Blong Wet Kasem We Yumi Mekem Mastik, Blong Lanem Samting We i Stret?

N. 4: Talemaot Sin We Yumi Mekem Agensem God Mo Ol Man (rs F: pej 71 ¶2-8/I: pej 83 ¶2-8)

Nov. 19 Baebol riding: Obadaea 1-Jona 4 Singsing 220

Fasin Blong Toktok: Ol Poen We Yumi No Mas Fogetem (be pej 220 ¶4–pej 221 ¶4)

N. 1: Fastok Blong Obadaea Mo Jona, Mo Olsem Wanem i Save Givhan Long Yumi (si pej 151-153 ¶1-5, 10-14; pej 153-155 ¶1-4, 9-12)

N. 2: Jona 1:​1-17

N. 3: ?From Wanem i Mas Gat Wan Paradaes Long Saed Blong Spirit Fastaem, Bifo We i Gat Paradaes Long Fulwol?

N. 4: b ?From Wanem Yumi Mas Talemaot Ol Bigfala Sin Long Ol Elda? (rs F: pej 71 ¶9–pej 72 ¶4/I: pej 83 ¶9–pej 84 ¶4)

Nov. 26 Baebol riding: Maeka 1-7 Singsing 18

Fasin Blong Toktok: Long Wok Blong Prij (be pej 221 ¶5–pej 222 ¶6)

N. 1: Fastok Blong Maeka Mo Olsem Wanem i Save Givhan Long Yumi (si pej 155-158 ¶1-8, 16-19)

N. 2: Maeka 2:​1-13

N. 3: ?I Minim Wanem Blong Gat Kwaet Fasin?

N. 4: ?From Wanem i Stret Blong Bilif Se God i Wokem Evri Samting? (rs F: pej 72 ¶5–pej 74 ¶2/I: pej 84 ¶5–pej 86 ¶2)

Dis. 3 Baebol riding: Neham 1–Habakuk 3 Singsing 137

Fasin Blong Toktok: Talem Ol Tok We i Tru Nomo (be pej 223 ¶1-5)

N. 1: Fastok Blong Neham Mo Habakuk Mo Olsem Wanem Tufala i Save Givhan Long Yumi (si pej 158-160 ¶1-7, 11-12; pej 161-163 ¶1-5, 12-14)

N. 2: Habakuk 1:​1-17

N. 3: Kasem Save Long Ol Tok Blong Baebol Long Saed Blong Taem We God i Wokem Evri Samting (rs F: pej 75 ¶1–pej 76 ¶5/I: pej 86 ¶3–pej 88 ¶4)

N. 4: ?From Wanem Yumi No Save Les Long Laef We i No Save Finis?

Dis. 10 Baebol riding: Sefanaea 1–Hagae 2 Singsing 78

Fasin Blong Toktok: “Holemstrong Tok Ya We Yumi Save Putum Tingting Blong Yumi i Stap Long Hem” (be pej 224 ¶1-4)

N. 1: Fastok Blong Sefanaea Mo Hagae Mo Olsem Wanem i Save Givhan Long Yumi (si pej 163-166 ¶1-6, 10-12; pej 166-168 ¶1-7, 13-16)

N. 2: Sefanaea 3:​1-17

N. 3: ?From Wanem Baebol i No Agri Wetem Fasin Ya Blong Givim Ona Long Kros? (hw pej 34 ¶3–pej 35 ¶3)

N. 4: c ?Olsem Wanem Gudfala Fasin Fren Wetem God i Save Mekem Mared i Stap Gud?

Dis. 17 Baebol riding: Sekaraea 1-8 Singsing 209

Fasin Blong Toktok: Jekem Ol Save Blong Meksua Se i Tru (be pej 225 ¶1-3)

N. 1: Fastok Blong Sekaraea (si pej 168-169 ¶1-7)

N. 2: Sekaraea 7:​1-14

N. 3: ?Vison Ya We Bodi Blong Jisas i Jenis i Kam Narafala, i Kamtru Olsem Wanem?

N. 4: ?Fasin Blong Kaontem Yia Blong Ol Man Bifo We Bigfala Wota i Ron, i Sem Mak Long Fasin We Yumi Yusum Naoia? (rs F: pej 85 ¶4–pej 86 ¶1/I: pej 94 ¶4–pej 95 ¶1)

Dis. 24 Baebol riding: Sekaraea 9-14 Singsing 202

Fasin Blong Toktok: Tok Long Fasin We Ol Narafala Oli Kasem Save Long Hem (be pej 226 ¶1–pej 227 ¶1)

N. 1: Sekaraea​—Olsem Wanem i Givhan Long Yumi, Mo Fastok Blong Malakae Mo Olsem Wanem i Givhan Long Yumi (si pej 171-172 ¶23-27; pej 172-175 ¶1-6, 13-17)

N. 2: Sekaraea 10:​1-12

N. 3: ?From Wanem Ol Witnes Blong Jeova Oli Talem Se Kingdom Blong God i Stanap Long 1914? (rs F: pej 86 ¶2–pej 88 ¶1/I: pej 95 ¶2–pej 97 ¶2)

N. 4: ?Yumi Save Mekem Wanem Blong Yumi Rere Blong Fesem Fasin Agens?

Dis. 31 Baebol riding: Malakae 1-4 Singsing 118

Fasin Blong Toktok: Eksplenem Ol Wod We Plante Man Oli No Save Olgeta (be pej 227 ¶2–pej 228 ¶1)

Tingtingbak

[Ol futnot]