Program Blong Tiokratik Skul Long Yia 2009

ROD BLONG MEKEM SKUL YA

Long yia 2009, bambae program blong Tiokratik Skul i olsem.

OL STAMBA BUK BLONG MEKEM OL TOK: New World Translation of the Holy Scriptures [bi12], Learn From the Great Teacher [lr], Reasoning From the Scriptures (we oli printim long 1989) [rs], mo Statem Wan Storian Long Baebol Mo Gohed Long Hem [hw].

Skul i mas stat long STRET TAEM wetem smol toktok blong talem welkam long evriwan. Program i gohed folem ol haf daon. Biaen long wanwan tok, elda we i lukaot long skul bambae i talemaot nekiswan tok.

OL BIGFALA POEN BLONG BAEBOL RIDING: 10 minit. Blong fo minit, wan elda no man blong givhan we i naf gud, i mas tokbaot ol poen long Baebol riding blong wik. Be taem Baebol riding blong wik hem i ol faswan japta blong wan buk blong Baebol, bambae brata i tokbaot ol save we i stap long haf ya “Tok Blong Jeova i Wan Samting We i Laef” we i stap long ol Wajtaoa stat long Jenuware 1, 2004. Olsem long wik blong Jenuware 5, bambae yumi tokbaot Jenesis japta 1-5. Taswe brata we i mekem tok ya bambae i jusum sam bigfala poen we i stap long ol faswan paragraf long haf blong Wajtaoa we i tokbaot Jenesis. Hem i mas halpem kongregesen blong luk olsem wanem ol save ya bambae i givhan long olgeta. Nomata se brata i tokbaot ol poen long Baebol riding blong wik no ol poen we oli stap long Wajtaoa, mak blong hem i blong halpem kongregesen blong kasem save from wanem mo olsem wanem ol save ya i givhan long olgeta. Brata i mas lukaot gud blong no bitim fo minit ya blong fas haf blong tok. Mo hem i mas meksua se i gat sikis minit i stap blong olgeta we oli stap lesin oli save givim ol sotfala ansa we oli no bitim 30 seken. Long rod ya, oli save talemaot wanem we oli laekem long Baebol riding blong wik. Biaen long tok ya, brata we i lukaot long skul bambae i askem long ol studen we oli gat tok long ol narafala skul, blong oli go givim tok blong olgeta.

TOK N. 1: No bitim 4 minit. Wan brata bambae i mekem riding ya. Studen i no mas mekem wan fastok mo lastok, hem i mas ridim nomo. Brata we i lukaot long skul i mas wantem blong halpem ol studen blong rid long fasin we oli kasem save long wanem we oli ridim, oli rid klia mo stret, oli makem ol impoten poen mo jenisim tiun blong voes, oli spel long stret ples, mo oli rid long fasin we i olsem prapa toktok blong olgeta.

TOK N. 2: 5 minit. Wan sista bambae i mekem tok ya. Maet bambae studen nomo i jusum fasin blong mekem tok ya, no maet brata we i lukaot long skul i jusum, folem lis we i stap long pej 82 blong buk ya Benefit From Theocratic Ministry School Education. Studen i mas yusum stamba tok we i stap long pepa blong tok we hem i kasem, mo i mas mekem tok long wan fasin blong prij we i stret long ples blong yumi mo i save wok gud long teritori blong kongregesen. Taem pepa blong tok i no talem wanem buk we tok blong studen bambae i kamaot long hem, studen nomo i mas lukaot save long ol buk blong slef we i stret mo waes. Brata we i lukaot long skul bambae i intres bigwan long fasin we studen i yusum save ya blong tijim narafala, mo olsem wanem hem i halpem narafala blong tingtinggud long Baebol mo kasem save long ol bigfala poen blong tok. Brata we i lukaot long skul bambae i jusum wan narafala blong joen wetem sista we i mekem tok ya.

TOK N. 3: 5 minit. Wan brata no wan sista i save mekem tok ya. Studen i mas jusum ol save we i laenap wetem stamba tok we i stap long pepa blong tok we hem i kasem. Taem pepa ya i no talem wanem buk we tok i stanap long hem, studen i mas mekem risej long ol buk blong yumi, blong faenem save blong tok. Taem wan brata i mekem tok ya, hem i mas mekem olsem i wan tok we i go long kongregesen. Taem wan sista i mekem tok ya, hem i mas folem ol advaes blong Tok N. 2. Makemgud se brata nomo i mas mekem tok we i gat wan smol sta (*) klosap long hem, mo sipos ol elda mo man blong givhan oli naf, i gud wan long olgeta i mekem tok ya.

ADVAES: 1-2 minit. Bambae elda we i lukaot long skul i no talemaot poen we studen i wok long hem bifo we studen i givim tok blong hem. Afta long tok N. 1, N. 2, mo N. 3, bambae elda we i lukaot long skul i talemaot sam gudfala samting long saed blong ol tok ya, ol risen from wanem tok ya i tij gud, mo plante taem bambae hem i tokbaot ol poen long buk ya Ministry School. Sipos studen i nidim advaes long wan poen, elda we i lukaot long skul i save givim advaes ya afta long miting no long wan narafala taem.

TAEM: Olgeta tok oli no mas bitim taem blong olgeta, elda tu we i givim advaes i no mas bitim taem blong hem. Sipos wan long olgeta we oli mekem Tok N. 1, N. 2, mo N. 3 i bitim taem, elda we i lukaot long skul i mas katem tok ya wetem kaen fasin. Sipos brata we i mekem tok blong ol bigfala poen blong Baebol riding i bitim taem blong hem, elda we i lukaot long skul i save luk hem biaen long miting, blong givim advaes long hem long saed ya. Evriwan oli mas luklukgud long taem blong olgeta. Tiokratik skul i no mas bitim 30 minit.

PEPA BLONG ADVAES: Hemia i stap long buk ya Ministry School.

BRATA WE I GIVHAN: Ol elda oli save jusum wan elda we i naf gud, blong mekem wok blong namba tu brata blong givim advaes. Sipos i gat plante elda long kongregesen, evri yia oli save jenisim elda we i mekem wok ya. Wok blong hem, se afta long miting hem i save givim advaes long ol brata we oli mekem tok blong ol bigfala poen blong Baebol riding, sipos oli nidim. Hem i no nidim blong givim advaes evritaem.

TINGTINGBAK BLONG TIOKRATIK SKUL: 20 minit. Evri tu manis, elda we i lukaot long skul bambae i askem ol kwestin blong tingtingbak. Bifo long tingtingbak ya, bambae i gat tok blong ol bigfala poen blong Baebol riding, we i folem ol save ya we yumi tokbaot finis. Tingtingbak ya bambae i stanap long olgeta samting we yumi bin tokbaot long skul long tu manis we i pas, wetem wik ya we yumi mekem tingtingbak long hem. Sipos kongregesen i gat wan seket asembli no visit blong seket elda long wik blong tingtingbak, bambae oli mekem tingtingbak ya long nekis wik, mo bambae oli seftem tok N. 1, N. 2, mo N. 3 blong wik we i kam biaen long tingtingbak, i kam long wik ya blong asembli no visit. I no mas gat jenis long program blong Baebol riding blong wik mo tok blong ol bigfala poen blong Baebol riding.

PROGRAM

Jen. 5 Baebol riding: Jenesis 1-5

N. 1: Jenesis 3:1-15

N. 2: ?From Wanem Jisas i Wan Nambawan Tija? (lr japta 1)

N. 3: ?Wanem Wok i No Blong Nating Nomo? (1 Kor. 15:58)

Jen. 12 Baebol riding: Jenesis 6-10

N. 1: Jenesis 9:1-17

N. 2: Ansa Long Ol Tok We Man i Talem Long Saed Blong Bilif Long God (rs-E pej 150 ¶3–pej 151 ¶3; rs-F pej 111 ¶1–pej 112 ¶1)

N. 3: Wan Leta Blong Wan God We i Gat Lav (lr japta 2)

Jen. 19 Baebol riding: Jenesis 11-16

N. 1: Jenesis 14:1-16

N. 2: Man We i Wokem Olgeta Samting (lr japta 3)

N. 3: ?Olsem Wanem Jeova i Stap Jenisim Yumi? (Aes. 64:8)

Jen. 26 Baebol riding: Jenesis 17-20

N. 1: Jenesis 17:1-17

N. 2: ?From Wanem Man i No Naf Blong Stanemap Wan Gavman We i Rul Long Stret Fasin? (rs-E pej 152-153 ¶1; rs-F pej 172-173 ¶3)

N. 3: God i Gat Wan Nem (lr japta 4)

Feb. 2 Baebol riding: Jenesis 21-24

N. 1: Jenesis 22:1-18

N. 2: “Hemia Pikinini Blong Mi” (lr japta 5)

N. 3: a Sam Rod We Yumi Save Mekem Lav Blong Yumi Long Narafala i Kam Bigwan Moa (2 Kor. 6:11-13, NW)

Feb. 9 Baebol riding: Jenesis 25-28

N. 1: Jenesis 25:1-18

N. 2: Nambawan Tija Ya i Mekem Wok Blong Givhan Long Narafala (lr japta 6)

N. 3: ?From Wanem Traehad We Man i Mekem Blong Finisim Ol Trabol i No Save Win? (rs-E pej 153 ¶2–pej 154 ¶2; rs-F pej 173 ¶4–pej 174 ¶4)

Feb. 16 Baebol riding: Jenesis 29-31

N. 1: Jenesis 29:1-20

N. 2: ?From Wanem i ‘Nogud Yumi Tingting Tumas’? (Mat. 6:25)

N. 3: Fasin Obei i Protektem Yu (lr japta 7)

Feb. 23 Baebol riding: Jenesis 32-35

Tingtingbak Blong Tiokratik Skul

Maj 2 Baebol riding: Jenesis 36-39

N. 1: Jenesis 39:1-16

N. 2: Ol Narafala Oli Hae Moa Long Yumi (lr japta 8)

N. 3: Kingdom Blong God Nomo i Save Givim Samting We Ol Man Oli Rili Nidim (rs-E pej 154 ¶3–pej 155 ¶1; rs-F pej 174 ¶5–pej 175 ¶2)

Maj 9 Baebol riding: Jenesis 40-42

N. 1: Jenesis 40:1-15

N. 2: No Letem Narafala i Pulum Yu Blong Mekem Samting We i No Stret (lr japta 9)

N. 3: b !Lukaot Long Independen Tingting!

Maj 16 Baebol riding: Jenesis 43-46

N. 1: Jenesis 44:1-17

N. 2: Paoa Blong Jisas i Winim Paoa Blong Ol Rabis Enjel (lr japta 10)

N. 3: Yumi Save Trastem Fulwan Ol Profet Tok Blong Baebol (rs-E pej 155 ¶2-5; rs-F pej 175 ¶3–pej 176 ¶3)

Maj 23 Baebol riding: Jenesis 47-50

N. 1: Jenesis 48:1-16

N. 2: ?Yumi Mas Fraet Long Setan?

N. 3: Ol Enjel Blong God Oli Halpem Yumi (lr japta 11)

Maj 30 Baebol riding: Eksodas 1-6

N. 1: Eksodas 1:1-19

N. 2: Jisas i Tijim Yumi Blong Prea (lr japta 12)

N. 3: ?Ol Merikel Blong Tekemaot Sik Tede, Oli Kamaot From Tabu Spirit Blong God No Olsem Wanem? (hw pej 35-36 ¶3)

Epr. 6 Baebol riding: Eksodas 7-10

N. 1: Eksodas 9:1-19

N. 2: Olgeta We Oli Kam Disaepol Blong Jisas (lr japta 13)

N. 3: c ?Olsem Wanem Tingting Blong Galesia 6:2 mo Galesia 6:5 i joen?

Epr. 13 Baebol riding: Eksodas 11-14

N. 1: Eksodas 12:21-36

N. 2: ?From Wanem Yumi Mas Fogivim Narafala? (lr japta 14)

N. 3: ?Olsem Wanem Ol Merikel Blong Jisas Mo Ol Aposol Oli Defren Long Ol Merikel Tede? (hw pej 36 ¶4–pej 37 ¶3)

Epr. 20 Baebol riding: Eksodas 15-18

N. 1: Eksodas 15:1-19

N. 2: ?Yumi Mas Mekem Wanem Blong Stap Longwe Long Giaman Wosip?

N. 3: Wan Lesen Long Saed Blong Kaen Fasin (lr japta 15)

Epr. 27 Baebol riding: Eksodas 19-22

Tingtingbak Blong Tiokratik Skul

Mei 4 Baebol riding: Eksodas 23-26

N. 1: Eksodas 24:1-18

N. 2: ?Wanem Samting i Moa Impoten? (lr japta 16)

N. 3: ?Wanem i Makemaot Ol Trufala Kristin Tede? (hw pej 37 ¶4–pej 38 ¶2)

Mei 11 Baebol riding: Eksodas 27-29

N. 1: Eksodas 29:1-18

N. 2: Rod Blong Faenem Trufala Glad (lr japta 17)

N. 3: d Fasin Blong Stap Tru (Loyalty) Long Wan Samting We i No Stret Mo Ol Denja Blong Fasin Ya

Mei 18 Baebol riding: Eksodas 30-33

N. 1: Eksodas 31:1-18

N. 2: ?From Wanem God i Givim Paoa Long Ol Kristin Blong Faswan Handred Yia Blong Mekem Ol Merikel? (hw pej 38 ¶3–pej 39 ¶3)

N. 3: ?Yu Yu Tingbaot Blong Talem Tangkiu? (lr japta 18)

Mei 25 Baebol riding: Eksodas 34-37

N. 1: Eksodas 37:1-24

N. 2: ?I Stret Blong Faet? (lr japta 19)

N. 3: e ?From Wanem Yumi Mas Blokem Tingting Ya Se Enikaen Fasin Nomo i Oraet (Permissiveness)?

Jun 1 Baebol riding: Eksodas 38-40

N. 1: Eksodas 40:1-19

N. 2: ?Oltaem Yu Yu Wantem Se Yu Fastaem Long Ol Narafala? (lr japta 20)

N. 3: ?Wanem Janis We Sikman i Gat Blong i Rili Kamgud Bakegen? (hw pej 39 ¶4–pej 40 ¶1)

Jun 8 Baebol riding: Levitikas 1-5

N. 1: Levitikas 4:1-15

N. 2: ?I Stret Blong Yumi Tok Flas From Wan Samting? (lr japta 21)

N. 3: f ?Ol Kristin We Oli Gat Wok Blong Lidim Narafala (Authority), Oli Mas Mekem Wok Ya Olsem Wanem?

Jun 15 Baebol riding: Levitikas 6-9

N. 1: Levitikas 8:1-17

N. 2: ‘?Yu Yu Bilif Long Wok Blong Tekemaot Sik Blong Man?’ (hw pej 40 ¶2-6)

N. 3: ?From Wanem Yumi No Mas Giaman? (lr japta 22)

Jun 22 Baebol riding: Levitikas 10-13

N. 1: Levitikas 11:29-45

N. 2: ?From Wanem Ol Man Oli Stap Kasem Sik? (lr japta 23)

N. 3: ?Ol Man We Oli Baptaes Oli Save Haremgud Long Wanem Blesing?

Jun 29 Baebol riding: Levitikas 14-16

Tingtingbak Blong Tiokratik Skul

Julae 6 Baebol riding: Levitikas 17-20

N. 1: Levitikas 19:1-18

N. 2: ?Yumi Laef Long Ples Blong Ol Spirit Man Bifo We Yumi Bon Long Wol Ya? (rs-E pej 161 ¶2– pej 162 ¶3; rs-F pej 61-62 ¶1)

N. 3: !Yu No Mas Kam Wan Stilman! (lr japta 24)

Julae 13 Baebol riding: Levitikas 21-24

N. 1: Levitikas 22:17-33

N. 2: ?Man We i Mekem Ol Nogud Fasin, Hem i Save Jenis? (lr japta 25)

N. 3: ?Olsem Wanem Ol Trufala Kristin Oli Soemaot Se Oli Rili Kea Long Ol Puaman?

Julae 20 Baebol riding: Levitikas 25-27

N. 1: Levitikas 25:39-54

N. 2: ?From Wanem i Had Blong Mekem Samting We i Gud? (lr japta 26)

N. 3: ?Sipos Adam i No Bin Mekem Sin, Bambae Hem i Go Long Heven? (rs-E pej 162 ¶4-5; rs-F pej 62 ¶2-3)

Julae 27 Baebol riding: Namba 1-3

N. 1: Namba 3:1-20

N. 2: ?From Wanem Man We i Gat Kwaet Fasin i Nidim Blong Bos Long Tingting Blong Hem?

N. 3: ?Hu i God Blong Yu? (lr japta 27)

Ogis 3 Baebol riding: Namba 4-6

N. 1: Namba 4:1-16

N. 2: ?Olsem Wanem Blong Save Hu We Yu Mas Obei Long Hem? (lr japta 28)

N. 3: ?Man i Mas Go Long Heven Blong Gat Wan Hapi Fiuja? (rs-E pej 163 ¶1-3; rs-F pej 62 ¶4-6)

Ogis 10 Baebol riding: Namba 7-9

N. 1: Namba 9:1-14

N. 2: ?God i Glad Long Evri Lafet? (lr japta 29)

N. 3: ?Long Wanem Rod Yumi Soemaot Se Yumi Stap Tru Long Jeova?

Ogis 17 Baebol riding: Namba 10-13

N. 1: Namba 13:17-33

N. 2: ?Olsem Wanem Blong No Letem Fraet i Winim Yu? (lr japta 30)

N. 3: ?Wanem Mining Blong 1 Pita 3:19, 20? (rs-E pej 163 ¶4; rs-F pej 63 ¶1)

Ogis 24 Baebol riding: Namba 14-16

N. 1: Namba 14:26-43

N. 2: ?Blong Laekem Loa Blong God i Minim Wanem? (Sam 119:97)

N. 3: ?Hu i Save Mekem Yu Haremgud Bakegen? (lr japta 31)

Ogis 31 Baebol riding: Namba 17-21

Tingtingbak Blong Tiokratik Skul

Sept. 7 Baebol riding: Namba 22-25

N. 1: Namba 22:20-35

N. 2: ?Olsem Wanem Jeova i Protektem Jisas? (lr japta 32)

N. 3: ?Wanem Mining Blong 1 Pita 4:6? (rs-E pej 163 ¶5; rs-F pej 63 ¶2)

Sept. 14 Baebol riding: Namba 26-29

N. 1: Namba 27:1-14

N. 2: ?Olsem Wanem Blong Stretem Mo Tijim Ol Pikinini Olsem We Masta i Wantem, Mo From Wanem Samting Ya i Impoten? (Efes. 6:4)

N. 3: Jisas i Save Protektem Yumi (lr japta 33)

Sept. 21 Baebol riding: Namba 30-32

N. 1: Namba 32:1-15

N. 2: ?Wanem Bambae i Hapen Long Yumi Sipos Yumi Ded? (lr japta 34)

N. 3: ?Laef Long Heven, Hemia Fiuja Blong Evri Kristin? (rs-E pej 164 ¶1-3; rs-F pej 64 ¶1-3)

Sept. 28 Baebol riding: Namba 33-36

N. 1: Namba 33:1-23

N. 2: !Sipos Yumi Ded, Bambae Yumi Save Wekap Bakegen! (lr japta 35)

N. 3: ?Olsem Wanem Kingdom Blong God i Moagud i Bitim Ol Gavman Blong Man?

Okt. 5 Baebol riding: Dutronome 1-3

N. 1: Dutronome 2:1-15

N. 2: ?“Niutesteman” i Talem Wanem Long Saed Blong Laef We i No Save Finis Long Wol Ya? (rs-E pej 165 ¶1–pej 166 ¶2; rs-F pej 65 ¶1-6)

N. 3: ?Hu Bambae Oli Laef Bakegen? ?Bambae Oli Laef Wea? (lr japta 36)

Okt. 12 Baebol riding: Dutronome 4-6

N. 1: Dutronome 4:15-28

N. 2: Tingbaot Jeova Mo Pikinini Blong Hem (lr japta 37)

N. 3: ?Wetaem Yumi Save Talem Se i Moa Gud Blong Man i Pua Bitim We Hem i Rij? (Prov. 15:16)

Okt. 19 Baebol riding: Dutronome 7-10

N. 1: Dutronome 9:1-14

N. 2: ?From Wanem Yumi Mas Lavem Jisas? (lr japta 38)

N. 3: ?Baebol i Talem Se Hamas Man Bambae Oli Go Long Heven? (rs-E pej 166 ¶3-4; rs-F pej 66 ¶1-2)

Okt. 26 Baebol riding: Dutronome 11-13

Tingtingbak Blong Tiokratik Skul

Nov. 2 Baebol riding: Dutronome 14-18

N. 1: Dutronome 15:1-15

N. 2: ?Fraet Long God i Minim Wanem?

N. 3: God i Tingbaot Pikinini Blong Hem (lr japta 39)

Nov. 9 Baebol riding: Dutronome 19-22

N. 1: Dutronome 22:1-19

N. 2: ?Olsem Wanem Blong Mekem God i Glad? (lr japta 40)

N. 3: ?Olgeta 144,000 Man Evriwan Oli Man Jiu Nomo? (rs-E pej 166 ¶5–pej 167 ¶3; rs-F pej 66 ¶3–pej 67 ¶1)

Nov. 16 Baebol riding: Dutronome 23-27

N. 1: Dutronome 25:1-16

N. 2: Ol Pikinini We Oli Mekem God i Glad (lr japta 41)

N. 3: g ?Wanem Ol Samting We Yumi Mas Tingbaot Se Oli Tabu (Sacred)?

Nov. 23 Baebol riding: Dutronome 28-31

N. 1: Dutronome 30:1-14

N. 2: ?From Wanem Yumi Mas Wok? (lr japta 42)

N. 3: ?Baebol i Tokbaot Wanem Fiuja Blong “Bigfala Kampani”? (rs-E pej 167 ¶4–pej 168 ¶1; rs-F pej 67 ¶2-4)

Nov. 30 Baebol riding: Dutronome 32-34

N. 1: Dutronome 32:1-21

N. 2: ?Wanem Ya ‘Bigfala Dei Blong Jeova’? (Sef. 1:14)

N. 3: ?Hu Ya Ol Brata Mo Sista Blong Yumi? (lr japta 43)

Dis. 7 Baebol riding: Josua 1-5

N. 1: Josua 5:1-15

N. 2: Ol Fren Blong Yumi Oli Mas Ol Man We Oli Lavem God (lr japta 44)

N. 3: ?Wanem Ya Kingdom Blong God? ?Olsem Wanem Blong Soemaot Se Yumi Wantem Se Kingdom Ya i Kam? (lr japta 45)

Dis. 14 Baebol riding: Josua 6-8

N. 1: Josua 8:1-17

N. 2: Bigfala Wota i Spolem Wol Blong Bifo—?Bambae Samting Ya i Hapen Bakegen? (lr japta 46)

N. 3: ?From Wanem Advaes Blong Prija 7:21, 22 i Save Mekem i Gud Long Yumi?

Dis. 21 Baebol riding: Josua 9-11

N. 1: Josua 9:1-15

N. 2: ?Olsem Wanem Yumi Save Se Amagedon i Klosap? (lr japta 47)

N. 3: Niufala Wol Blong God We Pis i Stap Long Hem—Yu Yu Save Stap Long Hem (lr japta 48)

Dis. 28 Baebol riding: Josua 12-15

Tingtingbak Blong Tiokratik Skul

[Ol futnot]