Ansa Long Wan Kwestin

◼ ?Bambae yu yu mekem wanem sipos yu kasem oda blong no moa prij long wan ples?

I gat wanwan taem we polis i bin luk sam pablisa we oli stap prij, nao i talem long olgeta se oli stap brekem loa mo se oli mas stop. Sipos polis i talem long yu se yu mas kamaot long ples we yu yu stap prij long hem, yu mas mekem samting ya kwiktaem mo long fasin we i soem respek. (Mat. 5:41; Fil. 4:5) Yu no mas traem blong stretem samting ya yu wan nomo mo mekem plante toktok long saed blong raet we loa i givim long yu. Sipos i gat rod, wetem kaen fasin, askem nem blong polis ya mo posisen we hem i holem long wok blong hem. Biaen, talemaot samting ya kwiktaem long ol elda, mo olgeta bambae oli talemaot long branj ofis. Long sem fasin, sipos yu stap prij insaed long wan yad we i gat plante haos long hem, ale bos blong yad ya i askem long yu blong kamaot long ples ya, yu mas obei kwiktaem mo go talemaot samting ya long ol elda. Sipos yu stap kwaet mo yu gat tingting daon taem yu toktok wetem ol bigman, samting ya i save blokem plante trabol.—Prov. 15:1; Rom 12:18.