Plis Hareap Blong Go Luk Olgeta

?Hareap blong go luk hu? Olgeta we oli talem se oli wantem wan buk no oli wantem we yumi karem ol niufala magasin long olgeta oltaem, no oli wantem we wan Witnes i go luk olgeta blong storian. ?Hu olgeta we oli talem olsemia? Hemia ol man we oli toktok i kam long branj ofis long telefon, long leta, no long Web saet blong yumi long Intenet. Taem oli mekem olsem, branj ofis i sanem pepa ya S-70 i go long kongregesen, nem blong pepa ya “Plis Sanem Wan Pablisa Blong Go Luk Man Ya.” Taem ol elda oli kasem pepa ya S-70, oli mas givim kwiktaem long wan pablisa we bambae i go luk man ya. Sipos pablisa i no save faenem man ya long haos, maet hem i traem ring i go long hem long telefon no livim wan smol not long haos blong hem. Sipos ol elda oli askem long yu blong go luk wan man olsem, plis traehad blong go luk hem hareap.