?Yumi Tokbaot Wanem Long Ol Magasin?

Wajtaoa Novemba 1

“Tede, plante yangfala oli kasem ol trabol we oli neva fesem bifo. ?Yu yu ting se wanem samting i save givhan long olgeta blong winim ol trabol ya? [Yu save letem man i ansa, mo yu ridim 2 Timoti 3:16, 17.] Ol haf ya long Wajtaoa oli soemaot ol advaes blong Baebol we oli save halpem ol yangfala, blong oli winim ol trabol long laef blong olgeta.”

Wekap! Oktoba-Disemba

“Mi mi save se yu bin ridim vas ya bifo. [Yu save ridim Matiu 5:39.] ?Long tingting blong yu, Jisas i minim wanem taem hem i talem tok ya? [Yu save letem man i ansa.] Wekap! ya i soemaot wanem we yumi save mekem blong folem ol tok ya long laef blong yumi evri dei.” Yu save soem haf we i stat long pej 24.

Wajtaoa Disemba 1

“Yumi evriwan i wantem harem gud. ?Yu ting se yumi nidim mane blong harem gud? [Yu save letem man i ansa.] Wan man we i raetem Baebol i lanem blong harem gud, nating se hem i gat smol samting nomo. [Yu save ridim Filipae 4:11, 12.] Wajtaoa ya i soemaot faef rod blong harem gud we Baebol i tokbaot.”

Wekap! Oktoba-Disemba

“Taem wan trabol i kamaot, plante man oli stap askem se, ?God i rili kea long ol man? ?Hem i luk ol trabol we oli stap kasem? ?Yu yu tingbaot ol kwestin ya samtaem? [Yu save letem man i ansa. Biaen yu ridim 1 Pita 5:7.] Wekap! ya i soemaot wanem we God i save mekem blong givhan long yumi taem yumi kasem wan bigfala trabol.” Yu save soem haf we i stat long pej 22.