Ol Fastok

Blong Statem Ol Baebol Stadi Long Fas Sarede Blong Manis Eprel

“Long manis ya, plante man oli stap tingbaot Jisas. Taswe, mifala i kam blong ansarem wan kwestin we plante man oli askem. [Yu soem kwestin long las pej blong Wajtaoa blong Eprel–Jun.] ?Yu tu yu tingbaot kwestin ya samtaem?” Yu letem man i ansa. Yu tokbaot fas haf mo wan long ol vas we oli stap. Yu askem long man blong i ridim magasin ya, mo yu mekem plan blong kambak blong tokbaot nekis kwestin.

Wajtaoa Eprel–Jun

“Long manis ya, plante man oli tingbaot taem ya we Jisas i laef bakegen. Be plante man oli no save ol blesing we yumi save kasem from we Jisas i ded mo i laef bakegen. ?Yu bin tingbaot samting ya? [Yu letem man i ansa.] Yu traem luk bigfala blesing we vas ya i tokbaot. [Yu ridim 1 Korin 15:20-22.] Magasin ya i tokbaot taem ya we Jisas i laef bakegen, mo wanem blesing we yumi save kasem from.”

Wekap! Eprel–Jun

“?Yu ting se i isi blong ol papa mo mama oli tijim ol pikinini blong olgeta? [Yu letem man i ansa.] Plante papa mo mama oli faenem ol gudfala advaes long Baebol. [Yu ridim Kolosi 3:21.] Vas ya i givhan long ol papa blong oli tekem evri janis blong talem gudfala toktok long pikinini from samting we hem i mekem, nao pikinini i gruap wetem strong tingting. Magasin ya i tokbaot faef advaes blong givhan long ol papa.”