Wan Beregraon We i Defren

MAN BLONG WEKAP! LONG EKWADO I RAETEM STORI YA

BIGFALA taon blong Ekwado, hemia Quito. Long saed i go long not, i gat wan smol taon, nem blong hem Ibarra. Long ples ya, i gat wan beregraon we i defren, nem blong hem—el cementerio de los pobres (Beregraon blong ol Puaman). ?Wanem samting i mekem se beregraon ya i defren long ol narawan? !Ol bigfala pija we oli raetem long stonwol we i goraon long beregraon ya, oli sem mak long ol pija long ol buk blong Watch Tower Sosaeti!a Pija we i stap long medel stret, hemia pija blong aposol Jon we i stap long pej 7 blong buk ya Revelesen—Kolosap I Kasem Nambawan En Blong Hem! Antap long Jon, oli raetem vas ya long lanwis blong Spen: “Kingdom blong God i minim stret fasin mo pis mo glad. Rom 14:17.” Long lefsaed, i gat tok blong Matiu 11:28 we i kamaot long New World Translation: “Yufala we i hadwok mo we tingting blong yufala i hevi, yufala i kam long mi, mo bambae mi mi givim spel long tingting blong yufala.” Tru ya, stonwol blong beregraon ya i stap lidim ol man oli go long Tok blong God.

[Futnot]