Haf 10

Fiuja Blong Yu

I luk olsem we ol yangfala blong naoia oli no gat wan gudfala fiuja. Maet bambae i gat wan niuklia faet, maet ol samting we oli sapotem laef long wol ya oli lus, no maet trabol long saed blong mane i kam bigwan bitim mak. Be ating yu yu no stap wari long fiuja blong olgeta man. Ating yu yu stap tingbaot laef blong yu nomo, se bambae yu stap olsem wanem long 10, 20, no 30 yia long fiuja.

Yu save glad se, yu gat janis blong kasem wan gudfala fiuja, sipos yu yusum gud ol yia blong laef blong yu naoia. Be samting ya i dipen long yu nomo.