?Bambae Epril i Wan Spesel Manis Long Yu?
1 Yumi stap tokbaot Maj mo Epril olsem ol manis blong Memoriol. Oltaem lafet blong Memoriol i stap foldaon stret long wan long tufala manis ya. Samting ya i wekemap tingting blong ol man blong Jeova blong oli joen moa long wok blong prij long tufala manis ya.
2 Long Epril bambae sam narafala man oli joen wetem ol man we oli bin givim nem blong olgeta blong mekem haftaem paenia long Maj. Sipos yu save joen long wok ya, yu mas givim pepa blong yu kwiktaem.
3 Olgeta we oli no save mekem paenia, oli save mekem moa long wok blong prij blong mekem Epril i spesel manis blong olgeta. I gat plante wok blong mekem. Maet ol pablisa long kongregesen mo ol paenia oli save askem ol nyufala pablisa we oli no baptaes yet blong oli joen wetem olgeta long wok blong prij. Yufala i mas traehad tu blong invaetem ol man we oli intres blong oli kam long Memoriol long Epril 17.
4 Sipos yu traehad blong askem ol nyuwan blong kam long Memoriol, maet yu save statem wan Baebol stadi. Taem Jeova i blesem fasin traehad blong yu, bambae minista wok blong yu i karem frut mo Epril bambae i wan spesel manis blong yu.—Sam 34:8; Prov. 10:22.