Joenem Ol Traket Wetem Ol Narafala Buk
1 Long olgeta magasin we oli stap wokem tede, Wajtaoa mo Wekap! nomo oli save halpem ol man we hat blong olgeta i stret blong oli faenem rod ya we i go long laef we i no save finis. Taem yumi storeyan long ol man long Epril mo Mei, bambae yumi traehad moa blong wekemap intres blong ol man long Kingdom mesej, mo bambae yumi pulum tingting blong olgeta i go long ol nyufala magasin no long ol naes kala buklet we Sosaeti i wokem. Maet samfala bambae oli soem smol intres nomo. Sipos i olsem, fastaem i gud blong tokbaot wan no tu poen long wan traket; nao sipos man blong haos i soem moa intres, joenem traket wetem wan magasin no wan buklet we yu stap seremaot.
2 Yu save talem se:
◼ “Bighaf blong ol man bambae oli agri se long wol tede, i gat plante trabol bitim ol rod we man i save folem blong winim ol trabol ya. ?Yu save se plante long ol bigfala trabol ya Baebol i bin tokbaot?” Nao yu save openem i go long pej 5 blong traket ya ?Wol Bambae i Lus No i Stap? mo storeyan long sam long ol trabol ya.
3 Sipos yu stap seremaot Epril 1 Wajtaoa mo man blong haos i soem intres long wanem we yu bin ridim long traket, yu save soem haf ya “Folem Laet Blong Wol” mo eksplenem olsem wanem Jisas bambae i finisimgud olgeta trabol blong man. Nao askem hem blong karem magasin mo mekem plan blong gobak long wan stret taem blong storeyan moa long poen ya.
4 Sipos yu tokbaot sam poen long Wekap! blong Epril 8 (Engglis no Franis), yu save yusum fastok we i stap long haf 2 blong atikol ya mo talem se:
◼ “Plante oli no moa bilivim se politik mo skul oli naf blong winim ol trabol blong yumi, be oli stap tingting sipos sayens i gat ansa.” Afta yu save ridim wan poen long atikol ya “?Sayens i save winim ol trabol blong taem blong yumi?” Atikol ya i stret long plante yangfala, antap moa ol studen.
5 Taem yu seremaot buklet ya “Look!”, maet yu save yusum wan defren fastok:
◼ “Plante man oli stap tingbaot se wanem i hapen long yumi taem yumi ded. Samfala oli talem se yumi go long heven no yumi go long hel; ol narafala oli no savegud. Ansa blong Baebol i save mekem yumi sapraes mo yumi save haremgud from.” Nao yu save soem mo tokbaot wan haf blong traket ya ?Olsem Wanem Long Ol Fren Blong Yumi We Oli Ded? Biaen, yu save pulum tingting i go long pej 16 mo 17 blong buklet sipos man blong haos i soem intres long traket.
6 Sipos yu wan nyu pablisa, bambae yu laekem wan fastok we i isi nomo. Maet i gud blong karem plante traket olsem ?Wol Ya Bambae i Lus No i Stap? mo folem tingting we i stap antap long haf 2.
7 Hem i wan ona blong yumi save karem mesej blong sevem laef i go long haos blong ol man. Taem yumi stap lukaotem ‘ol gudfala man,’ yumi mas yusumgud ol traket mo joenem wetem ol narafala buk blong wekemap intres blong man blong haos.—Mat. 10:13.