Joen Oltaem Long Wok Blong Prij
1 ?Olsem wanem yumi gat strong tingting blong joen oltaem long wok blong prij? ?Olsem wanem yumi traehad blong putum kwik taem ripot blong yumi long Haos Kingdom evri manis? Hemia wan samting we evriwan long yumi i mas traehad blong mekem, yumi neva mas letem sam manis i pas we yumi no yusum sam rod blong talemaot bilif blong yumi long pablik.—Rom 10:9, 10.
2 Antap long fasin blong yumi joen oltaem, yumi wantem halpem ol narafala blong go joen oltaem long wok blong prij. (Fil. 2:4) ?Yumi save mekem samting ya olsem wanem? Yumi save askem ol pablisa we oli baptaes yet mo we oli jes stat blong wok wetem yumi long wok blong prij. Wan gud program blong prij i save halpem olgeta blong holemtaet tru tok i stap strong long hat blong olgeta.
3 Stap joen oltaem long wok blong prij. Putum ripot blong yu oltaem long evri manis. Halpem ol narafala blong joen oltaem long minista wok. Soem “lav long kampani blong olgeta brata.”—1 Pita 2:17.