Givimaot Buk Ya Young People Ask
1 Nating se yumi seremaot buk ya Revelation Climax long manis ya, yu save mekem plan blong seremaot buk ya Young People Ask tu sipos yu toktok long wan papa no mama no long wan yangfala we i stap wari long ol problem we i stap kasem ol yangfala.
2 Maet yu save faenem se i gud blong talem wan samting olsem:
◼ “I no isi blong gruap long ol trabol taem olsem. Ol yangfala oli fesem plante nyufala problem we i pusum olgeta blong mekem sam impoten disisen. ‘?I gud blong dring alkol? ?Tekem drag? ?Wanem fasin i stret taem wan man mo woman tufala i stap kampani?’ Taem ol yangfala oli askem long saed blong ol stampa kwestin ya, plante taem oli kasem ol defren kaen ansa we oli no stret. ?Yu ting se plante long olgeta oli go wea blong kasem advaes? [Wet long ansa.] Buk ya, Questions Young People Ask—Answers That Work, i givim sam gudfala save we oli save givhan. [Pulum tingting i go long nem blong ol japta, soem ol defren poen long hem.] Ol yangfala oli nidim ol ansa we oli klia mo oli rili wok. Ol ansa insaed long buk ya oli gat tok blong Baebol blong sapotem olgeta.”
3 Hemia wan narafala toktok we yu save yusum:
◼ “Ol yangfala oli stap harem nogud long plante trabol tede. Oli nidim help blong winim olgeta. Taem yumi traehad blong mekem wanem yumi save mekem blong halpem olgeta, yumi mas luk long wan samting we i soem rod we i save wok. ?I tru? [Wet long ansa.] Sam long ol bigfala trabol oli kamaot from ol narafala yangfala, ol fren blong olgeta. Makem ol pija long pej 76 mo 77 long buk ya. [Pulum tingting long ol smol tok long ol pija ya mo ol paragraf we oli raetem long aetalik long pej 77.] Ol pej we oli kam biaen long japta ya oli soem ol tru ansa we oli save wok.”
4 Hemia ol ‘taem we laef blong wol i strong tumas,’ antap moa long ol yangfala. (2 Tim. 3:1) Buk ya Young People Ask i rili save halpem wan yangfala blong fesem mo winim ol trabol blong tede. Ol 39 japta oli gat plante pija long olgeta, mo ol atikol oli stret long ol samting we oli kamaot long laef mo ol advaes oli save wok. Ale taem yumi gat jans, yumi mas rere blong yusum nambawan buk ya.