?Mi Mi Nidim Blong Stap Jenisim Tok Blong Mi?
Evri Kingdom Wok Blong Yumi oli talem defren fasin blong storeyan wetem Baebol we yumi save yusum long wok blong prij. Plante pablisa we oli wok strong oli wantem blong kasem ol nyufala tingting mo yusum ol defren fastok. Kingdom Wok Blong Yumi i givhan long olgeta taem i givim plante poen we oli save yusum evri manis.
Be, maet yu harem se yu no nidim blong jenisim toktok we yu stap yusum. Maet yu gat sam haoa nomo evri manis blong joen long wok blong prij long ol haos wanwan. Long ol taem we i pas finis, maet yu bin wokem sam fasin blong storeyan we yu haremgud long olgeta, mo kasem gud frut taem yu yusum. Maet yu yusum oltaem sam vas blong Baebol we yu savegud olgeta olsem, Ol Sam 37:9-11, 2 Pita 3:13, Revelesen 21:4, mo sam narafala. Sipos i olsem, i no gat nid blong yu harem se yu mas jenis oltaem i go long narafala samting. Bigfala mak blong yumi hem i blong talemaot hop blong Kingdom long ol narafala mo blong halpem olgeta blong lanem wanem oli mas mekem blong kasem blesing blong Jeova. Sipos yu faenem sam gudfala fasin blong storeyan long Reasoning buk, we oli stret long ol samting we oli stap hapen we yu laekem moa blong yusum mo yu stap kasem gud frut long olgeta, yu no fraet blong yusum olgeta.