Nyufala Program Blong Spesel Dei Asembli
1 Program blong spesel dei asembli blong yumi afta Septemba, bambae i soemaot klia stampa tok ya “Gohed Blong Wetnes Long Saed Blong Trutok.” Ful program bambae i tokbaot eksampel we Jisas i givim long yumi mo olsem wanem hem i holem olgeta jans blong talemaot trutok long ol narafala. Bambae asembli ya i makemgud responsabiliti blong yumi olsem ol disaepol blong Kraes, blong mekem sem mak olsem hem long wok blong wetnes long saed blong trutok.—1 Kor. 11:1.
2 Bambae oli tokbaot wok blong kongregesen blong mekem trutok i gohed. Bambae oli makemgud tu se yumi mas yusumgud ol magasin mo ol narafala buk blong yumi.
3 Bigfala tok we brata we i visit bambae i mekem, stampa blong hem se, “Wok Blong Wetnes Long Saed Blong Trutok—Wanem Frut i Kamaot From.” (Jon 8:32) Program blong spesel dei asembli ya bambae i sua blong mekem fasin tangkyu blong yumi long trutok i dip moa, mo bambae i halpem yumi evriwan blong gohed blong holemstrong mo ‘stanap strong long ol trutok ya we yumi kasem finis.’—2 Pita 1:12; 1 Kor. 15:58.